काठमाडौं – राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनबाट निर्वाचित ९९ जना केन्द्रीय सदस्यले पद तथा गोपनीयताको शपथ ग्रहण गरेका छन्।
निर्वाचित केन्द्रीय सदस्यहरूको समूहगत अवस्थाअनुसार रवि लामिछाने निकट ३४ जना, बालेन समूहका २५ जना, विवेकशील साझाबाट आएका ३ जना तथा अन्य समूहका ३८ जना निर्वाचित भएका छन्।
रास्वपाको विधानअनुसार १५१ सदस्यीय केन्द्रीय समिति रहने व्यवस्था छ। जसमा सभापतिसहित ९९ जना महाधिवेशनबाट निर्वाचित, ५१ जना सभापतिबाट मनोनीत तथा सातै प्रदेशका अध्यक्ष पदेन सदस्य रहने प्रावधान छ।
महाधिवेशनबाट दुई उपसभापति, एक महामन्त्री र तीन सहमहामन्त्री समेत निर्वाचित भएका छन्। अन्य पदाधिकारी भने विधानबमोजिम सभापतिले मनोनयन गर्ने व्यवस्था रहेको छ।
