जागिरको लागि पुजा गरिने शक्तिपीठ शोभा भगवती मन्दिर
शोभा भगवती मन्दिर उपत्यकाको प्राचीन तथा प्रसिद्ध शक्तिपीठमध्ये एक मानिन्छ। वर्षभरि दर्शनार्थीको घुइँचो लाग्ने यस मन्दिरमा विशेषगरी बडादशैंको महाअष्टमीका दिन भव्य मेला लाग्ने गर्दछ।
महाअष्टमीका अवसरमा नेपालका विभिन्न जिल्लाबाट हजारौं श्रद्धालु दर्शन र पूजाआजाका लागि यहाँ पुग्ने गर्छन्। स्थानीय धार्मिक विश्वासअनुसार शोभा भगवती माताको श्रद्धापूर्वक पूजा–आराधना गरे मनोकामना पूरा हुने, पारिवारिक सुख–शान्ति प्राप्त हुने तथा जीवनमा सकारात्मक ऊर्जा प्राप्त हुने जनविश्वास रहेको छ। कतिपय श्रद्धालुले सरकारी जागिर, शिक्षा, व्यवसाय तथा अन्य सफलताको कामना गर्दै यहाँ विशेष पूजा गर्ने गर्छन्। यस्ता विश्वास धार्मिक आस्था र स्थानीय परम्परामा आधारित छन्।
यस मन्दिरमा महाअष्टमीका दिन राष्ट्रका विशिष्ट व्यक्तित्वहरूको पनि उपस्थिती रहने परम्परा छ। राष्ट्रपति, राजा तथा नेपाली सेनाका प्रधानसेनापतिसमेत विशेष पूजा...
