अन्तर्राष्ट्रिय

काठमाडौं । सगरमाथाको सफल आरोहण गरेकी नेपालकी ट्रान्स महिला निलम पौडेल काठमाडौं फर्किएकी छिन् । गत शनिबार सगरमाथा सफलतापूर्वक आरोहण गरेसँगै उनी सगरमाथा आरोहण गर्ने पहिलो ट्रान्स महिला बनेकी हुन् । मंगलबार त्रिभुवन अन्तर्राष्ट्रिय विमानस्थलमा उनलाई ब्लु डाइमन्ड सोसाइटीकी अध्यक्ष पिंकी गुरुङसहित विभिन्न व्यक्तिहरूले भव्य स्वागत गरेका थिए । कार्यक्रममा Laxmi Sunrise Bank, CG Holdings र Shivam Cement लगायतका संस्थाहरूको उपस्थिति रहेको थियो । पत्रकारहरूसँग कुराकानी गर्दै पौडेलले सगरमाथा आरोहणलाई आफ्नो जीवनको ऐतिहासिक उपलब्धि भएको बताइन् । उनले सोसाइटीको तर्फबाट सगरमाथा आरोहण गर्ने पहिलो ट्रान्स महिलाको रूपमा पहिचान बनाउन पाउँदा अत्यन्त खुसी लागेको बताइन् । “मैले हाम्रो सोसाइटीको तर्फबाट सगरमाथा आरोहण गर्ने पहिलो ट्रान्स महिलाको रूपमा आफ्नो परिचय बनाउन सफल भएकी छु। यसले हाम्रो समुदायक...

काठमाडौं । युवा ब्याटर वैभव सूर्यवंशीको विस्फोटक ब्याटिङको मद्दतले राजस्थान रोयल्सले इन्डियन प्रिमियर लिग (आईपीएल) मा लखनउ सुपर जायन्ट्समाथि ७ विकेटको रोमाञ्चक जित दर्ता गरेको छ । मंगलबार भएको उच्च स्कोरको खेलमा लखनउले दिएको २२१ रनको विशाल लक्ष्य राजस्थानले ५ बल बाँकी छँदै मात्र ३ विकेट गुमाएर पूरा गर्‍यो । राजस्थानको जितमा वैभव सूर्यवंशीले ३८ बलमा १० छक्कासहित ९३ रनको उत्कृष्ट योगदान दिए । उनलाई मध्यक्रमका ब्याटर ध्रुव जुरेलले साथ दिँदै ३८ बलमा ५३ रनमा अविजित रहे । यस्तै ओपनर यशस्वी जैसवालले २३ बलमा ४३ रन बनाए । बलिङतर्फ लखनउका मोहसिन खान र आकाश सिंहले १–१ विकेट लिए पनि महँगो साबित भए । आकाश सिंहले ३ ओभरमा ५४ रन खर्चिएका थिए । यसअघि टस हारेर पहिले ब्याटिङ गरेको लखनउ सुपर जायन्ट्सले २० ओभरमा ५ विकेट गुमाउँदै २२० रनको बलियो योगफल खडा गरेको थियो । लखनउका लागि मिचेल मार्शले ५७ ...

नेपाली महिला क्रिकेट टोलीले एसीसी महिला टी–२० एसिया छनोटको तयारीअन्तर्गत भएको पहिलो अभ्यास खेलमा मलेसियालाई दुई विकेटले पराजित गरेको छ। मलेसियाको बायुमास ओभल मैदानमा भएको खेलमा नेपालले संघर्षपूर्ण जित निकालेको हो। टस जितेर पहिले ब्याटिङ गरेको मलेसिया १७ ओभर ५ बलमा ६७ रनमा अलआउट भयो। मलेसियाका लागि एल्सा हन्टरले सर्वाधिक १० रन बनाइन् भने अन्य ब्याटर नेपाली बलिङसामु टिक्न सकेनन्। नेपालका लागि पूजा महतो ले उत्कृष्ट बलिङ गर्दै चार ओभरमा १३ रन खर्चेर ३ विकेट लिइन्। मनिषा उपाध्याय ले २ विकेट हात पार्दा रिया शर्मा ले पनि २ विकेट लिइन्। यस्तै सीता राना मगर र कविता कुँवर ले समान एक–एक विकेट लिए। ६८ रनको लक्ष्य पछ्याएको नेपालले १७ ओभर ३ बलमा ८ विकेट गुमाएर लक्ष्य पूरा गर्‍यो। नेपालका लागि सम्झना खड्का ले ३९ बलमा ३२ रन बनाउँदै टोलीलाई जित दिलाइन्। रुबी पोदार ले १५ रनको योगदान दिइन्। मलेसि...

काठमाडौं । नेपाली लेग स्पिनर Sandeep Lamichhane ले एकदिवसीय अन्तर्राष्ट्रिय क्रिकेटमा नयाँ विश्व कीर्तिमान कायम गरेका छन् । स्कटल्यान्डविरुद्ध जारी खेलमा दुई विकेट लिएसँगै सन्दीपले एकदिवसीय क्रिकेटमा १५० विकेट पूरा गरेका हुन् । उनले यो उपलब्धि केवल ७३ खेलमै हासिल गर्दै सर्वाधिक छिटो १५० विकेट लिने विश्व रेकर्ड आफ्नो नाममा लेखाएका छन् । यसअघि उक्त कीर्तिमान अष्ट्रेलियाका Mitchell Starc को नाममा रहेको थियो । स्टार्कले ७७ एकदिवसीय खेलमा १५० विकेट पूरा गरेका थिए । सन्दीपले स्कटल्यान्डका ब्याटर ब्रान्डेन म्याकमुलनलाई आउट गर्दै आफ्नो १५०औँ विकेट पूरा गरेका हुन् । नेपाली क्रिकेटका लागि यो उपलब्धिलाई ऐतिहासिक मानिएको छ ।...

काठमाडौं । आइसीसी पुरुष क्रिकेट विश्वकप लिग–२ अन्तर्गत आज नेपाल र अमेरिका बीच प्रतिस्पर्धा हुँदैछ । कीर्तिपुरस्थित त्रिवि क्रिकेट मैदान मा जारी खेलमा अमेरिकाले टस जितेर पहिले ब्याटिङ गर्ने निर्णय गरेको छ । यससँगै नेपालले पहिला बलिङ गर्ने भएको हो । आजको खेलमार्फत नेपालका युवा खेलाडी ईशान पाण्डे ले एकदिवसीय अन्तर्राष्ट्रिय क्रिकेटमा डेब्यु गरेका छन् । घरेलु पीएम कपमा उत्कृष्ट प्रदर्शन गरेपछि उनलाई राष्ट्रिय टोलीमा अवसर दिइएको हो । आजको खेलमा कुशल भुर्तेल र सोमपाल कामी पनि टोलीमा समावेश छन् । नेपालको प्लेइङ–११ मा कप्तान रोहित पौडेल, उपकप्तान दीपेन्द्र सिंह ऐरी, कुशल भुर्तेल, आसिफ शेख, आरिफ शेख, ईशान पाण्डे, गुलशन झा, सन्दीप लामिछाने, ललित राजवंशी, नन्दन यादव तथा सोमपाल कामी रहेका छन् । नेपाल र अमेरिकाबीच हालसम्म एकदिवसीय अन्तर्राष्ट्रिय क्रिकेटमा ९ खेल भएका छन् । तीमध्ये नेपाल र अमेर...

काठमाडौं । नेपाली क्रिकेटर Lokesh Bam बेल्जियममा हुने ईयू टी–२० प्रतियोगिता खेल्ने भएका छन् । उनी बेल्जियन फ्रेन्चाइज टोली Antwerp Anchors मा अनुबन्धित भएका हुन् । यो लोकेशको पहिलो विदेशी क्लब सम्झौता हो । एंकर्सले शुक्रबार सामाजिक सञ्जालमार्फत लोकेशलाई टोलीमा स्वागत गरेको जानकारी दिएको हो । यससँगै उनी उक्त टोलीबाट खेल्ने दोस्रो नेपाली खेलाडी बनेका छन् । यसअघि नेपाली राष्ट्रिय टोलीका ओपनर Aasif Sheikh पनि एंकर्समा आबद्ध भइसकेका छन् । टोलीका मुख्य प्रशिक्षक Donovan Miller रहेका छन् भने टोलीमा Andre Russell, Martin Guptill, David Wiese तथा Ruben Trumpelmann जस्ता अन्तर्राष्ट्रिय स्टार खेलाडी पनि समावेश छन् । लोकेशले नेपालका लागि हालसम्म २३ वटा टी–२० अन्तर्राष्ट्रिय खेल खेल्दै २१५ रन बनाइसकेका छन् । पहिलो संस्करणको ईयू टी–२० बेल्जियम आगामी जुन ६ देखि १४ तारिखसम्म सञ्चालन हुनेछ । प...

काठमाडौं । राष्ट्रिय स्वतन्त्र पार्टी नेतृत्वको सरकारले ल्याएका ८ वटा अध्यादेशको भविष्य अब विपक्षी दलहरूको भूमिकामा निर्भर देखिएको छ । राष्ट्रपति रामचन्द्र पौडेल ले अध्यादेश जारी गरिसके पनि संसद्‌बाट प्रतिस्थापन विधेयक पारित नभए ती स्वतः निष्क्रिय हुने संवैधानिक व्यवस्था छ । मन्त्रिपरिषद्को सिफारिसमा राष्ट्रपति पौडेलले वैशाख १७ गते सहकारी र सार्वजनिक खरिदसम्बन्धी अध्यादेश जारी गरेका थिए । त्यसपछि क्रमशः सम्पत्ति शुद्धीकरण निवारण, विश्वविद्यालय, सार्वजनिक पदाधिकारी, स्वास्थ्य विज्ञान प्रतिष्ठान, संवैधानिक परिषद् लगायतका विषयमा अध्यादेश ल्याइएको थियो । सरकारले अध्यादेशमार्फत करिब डेढ सय कानुन संशोधन गरेको छ । संविधानको धारा ११४ अनुसार संसद् अधिवेशन नरहेको अवस्थामा तत्काल आवश्यक परे अध्यादेश जारी गर्न सकिने व्यवस्था छ । तर संसद् बैठक सुरु भएपछि ती अध्यादेशलाई प्रतिस्थापन विधेयकका रूपमा ...

विराटनगर । भारतीय नम्बर प्लेटको एम्बुलेन्समा गाँजा लोड गरिएको अवस्थामा प्रहरीले नियन्त्रणमा लिएको छ। सुनसरीको बराहक्षेत्रबाट उक्त एम्बुलेन्ससहित दुई जनालाई पक्राउ गरिएको हो। प्रहरीका अनुसार बराहक्षेत्र नगरपालिका–२ पुल्ठेगौंडाबाट मंगलबार बीआर ०७ पीसी ४७६५ नम्बरको एम्बुलेन्सभित्र प्लास्टिकका बोरामा राखिएको अवस्थामा १४८ किलो गाँजा बरामद गरिएको हो। जिल्ला प्रहरी कार्यालय सुनसरीका सूचना अधिकारी डीएसपी चन्द्रबहादुर खड्काका अनुसार एम्बुलेन्स चालक भारतको बिहार राज्य, सुपोल जिल्ला वीरपुरका १८ वर्षीय धर्मेन्द्रकुमार यादव र सोही स्थानका २१ वर्षीय मोहमद सदाम पक्राउ परेका छन्। एम्बुलेन्स प्रयोग गरी गाँजा भारततर्फ ओसारपसार गर्न खोजिएको हुनसक्ने प्रारम्भिक अनुसन्धानबाट खुलेको प्रहरीले जनाएको छ।...

  समस्याग्रस्त सहकारीका बचतकर्तालाई राहत: जेठ पहिलो सातादेखि रकम फिर्ता सुरु हुने काठमाडौं । सरकारले समस्याग्रस्त सहकारीका बचतकर्ताको रकम आगामी जेठ पहिलो सातादेखि फिर्ता गर्ने प्रक्रिया सुरु गर्ने भएको छ। समस्याग्रस्त सहकारी व्यवस्थापन समितिले मंगलबार सार्वजनिक गरेको कार्ययोजनाअनुसार बचतकर्ताको रकम फिर्ता गर्ने काम औपचारिक रूपमा अघि बढ्नेछ। गत ९ वैशाखदेखि काम सुरु गरेको समितिले सहकारी र बचतकर्ताको आवश्यक विवरण संकलन गरिसकेको जनाएको छ। समितिका अनुसार हाल करिब ७६ हजार बचतकर्ताको करिब ४६ अर्ब रुपैयाँ फिर्ता गर्नुपर्ने अवस्था रहेको छ, जसमा अधिकांश साना बचतकर्ता छन्। समितिले पाँच लाख रुपैयाँभन्दा कम बचत भएका व्यक्तिलाई ‘साना बचतकर्ता’ र सोभन्दा बढी रकम भएकालाई ‘ठूला बचतकर्ता’का रूपमा वर्गीकरण गरेको छ। कुल बचतकर्तामध्ये करिब १८ हजारको बचत पाँच लाखभन्दा माथि रहेको जनाइएको छ। भ...

काठमाडौं । मनाङस्थित तिलिचो तालमा आयोजना गरिएको ऐतिहासिक रेस्लिङ प्रतियोगिता ‘वल्र्ड बुक अफ रेकर्ड, लन्डन’मा समावेश भएको छ। करिब ४,९१९ मिटर उचाइमा रहेको विश्वकै उच्च स्थानमा अवस्थित तालमध्ये एक तिलिचोमा सम्पन्न उक्त प्रतियोगिताले नयाँ कीर्तिमान कायम गरेको हो। नेपाल महिला रेस्लिङ फाउन्डेसनद्वारा गत नोभेम्बर २६ मा आयोजित उक्त प्रतिस्पर्धामा नेपालकी भगवती खड्का (युनिका) र अस्मिता सुनार (जुरेली) ले अमेरिकी रेस्लर क्यामिल लिगन (होलीडेड) सँग प्रतिस्पर्धा गरेका थिए। प्रतिस्पर्धामा नेपाली खेलाडीहरू भगवती र अस्मिता विजयी भएका थिए। उक्त कीर्तिमानको प्रमाणपत्र पूर्व उपसभामुख इन्दिरा रानाले एक कार्यक्रमबीच खेलाडीहरूलाई प्रदान गरिन्। फाउन्डेसनमा भगवती अध्यक्ष तथा अस्मिता कोषाध्यक्षको भूमिकामा रहेका छन्। यसअघि पनि फाउन्डेसनले विश्वकै अग्लो स्थानमा रेस्लिङ आयोजना गर्ने लक्ष्यसहित सोलुखुम्बुको खु...