काठमाडौं । एक्सप्रेस टिभी न्युज नेपालका प्रबन्ध निर्देशक वरिष्ठ पत्रकार कुमार भट्टराई अन्तर्राष्ट्रिय अवार्ड बाट सम्मानित भएका छन्। भट्टराईलाई ‘3rd Edition International Icon Award 2026’ अन्तर्गत ‘Extraordinary Personality of the Year’ अवार्ड प्रदान गरिएको हो।
काठमाडौं स्थित राष्ट्रिय नाचघरमा आयोजित विशेष समारोहमा भट्टराईलाई प्रमुख अतिथि जनमत पार्टीका अध्यक्ष डा. सीके राउतको हातबाट उक्त सम्मान प्रदान गरिएको हो।
लामो समयदेखि पत्रकारिता तथा सञ्चार क्षेत्रमा सक्रिय रहँदै आएका भट्टराईले सनातन धर्म, धार्मिक तथा सांस्कृतिक सम्पदाको संरक्षण र प्रवर्द्धनका साथै सामाजिक विषयवस्तुको प्रचार–प्रसारमा निरन्तर योगदान पुर्याउँदै आएको आयोजक पक्षले जनाएको छ।
सञ्चार क्षेत्रमार्फत धार्मिक तथा सांस्कृतिक महत्व बोकेका स्थलहरूको खोज, पहिचान र प्रचार–प्रसारमा सक्रिय भट्टराईले आफ्नो कार्यक्षेत्रमा निरन्तर समय दिँदै आएका छन्। विशेषगरी सनातन धर्मसँग जोडिएका ऐतिहासिक, धार्मिक तथा आध्यात्मिक विषयलाई सञ्चारमाध्यममार्फत आम दर्शकमाझ पुर्याउने कार्यमा उनको सक्रियता रहँदै आएको छ।
समारोहमा जनमत पार्टीका अध्यक्ष डा. सीके राउत प्रमुख अतिथिका रूपमा सहभागी थिए भने विनोद पहाडी, सन्तोषराज सहनी, भरत समारी लगायत विभिन्न क्षेत्रका व्यक्तित्वहरूको विशेष उपस्थिति रहेको थियो। कार्यक्रमका आयोजक अनमोल आर. भगत लगायत विभिन्न व्यक्तित्व तथा अतिथिहरूको सहभागितामा अवार्ड समारोह सम्पन्न भएको हो।
पत्रकारिता तथा सञ्चार क्षेत्रमा लामो समयदेखि सक्रिय रहँदै आएका भट्टराईले एक्सप्रेस टिभी न्युज नेपालमार्फत समाचार, धार्मिक–सांस्कृतिक विषयवस्तु, पर्यटन तथा सामाजिक गतिविधिलाई प्राथमिकताका साथ प्रस्तुत गर्दै आएका छन्। सञ्चारलाई केवल समाचार सम्प्रेषणको माध्यमका रूपमा सीमित नराखी धार्मिक तथा सांस्कृतिक सम्पदाको पहिचान र संरक्षणमा समेत प्रयोग गर्दै आएको उनको भनाइ छ।
अन्तर्राष्ट्रियस्तरको उक्त सम्मान प्राप्त भएपछि भट्टराईले आफूलाई थप जिम्मेवारीबोध भएको बताएका छन्। सम्मानले पत्रकारिता, सनातन धर्म तथा धार्मिक–सांस्कृतिक सम्पदाको प्रचार–प्रसारमा अझ सक्रिय भएर काम गर्ने ऊर्जा प्रदान गरेको उनको भनाइ छ।
‘Extraordinary Personality of the Year’ अवार्ड प्राप्त गरेसँगै कुमार भट्टराईको सञ्चार तथा सामाजिक क्षेत्रमा निरन्तर सक्रियताको अर्को अन्तर्राष्ट्रिय सम्मानका रूपमा यसलाई लिइएको छ। नाचघरमा आयोजित समारोहमा विभिन्न क्षेत्रका व्यक्तित्वलाई सम्मान तथा अवार्ड प्रदान गरिएको थियो।
