मुम्बई । भारतको मुम्बईस्थित जुहू क्षेत्रमा बलिउड अभिनेता टाइगर श्रफलाई लक्षित गरी अज्ञात समूहले उनको गाडीमाथि अन्धाधुन्ध गोली प्रहार गरेको बताइएको छ। घटनाले मुम्बईको सुरक्षा व्यवस्थामाथि समेत प्रश्न उठाएको छ।
प्राप्त विवरणअनुसार, घटनाका क्रममा गाडीमा पाँच राउन्ड गोली प्रहार गरिएको थियो। आक्रमणमा अभिनेता टाइगर श्रफ भने सुरक्षित रहेको बताइएको छ। तर, उनका चालक र अंगरक्षक घाइते भएका छन्। घटनापछि प्रहरीले तत्काल अनुसन्धान अघि बढाएको छ।
प्रहरीले घटनास्थल आसपासका सीसीटीभी फुटेज संकलन गरी आक्रमणमा संलग्न व्यक्तिहरूको पहिचान गर्ने प्रयास गरिरहेको छ। गोली प्रहार गर्नुको कारण, आक्रमणकारीहरूको पहिचान र घटनामा संलग्न अन्य व्यक्तिबारे प्रहरीले अनुसन्धान गरिरहेको जनाइएको छ।
घटनाले बलिउड कलाकारहरूको सुरक्षाबारे फेरि चिन्ता बढाएको छ। यद्यपि, आक्रमणको वास्तविक कारण र घटनासम्बन्धी सबै विवरण आधिकारिक रूपमा पुष्टि हुन बाँकी छ।
