बैतडी। बैतडीमा यात्रुवाहक बस दुर्घटनामा परेको छ।
दशरथचन्द राजमार्गअन्तर्गत पाटन नगरपालिका–८ गैराखान क्षेत्रमा धनगढीबाट बैतडी सदरमुकामतर्फ जाँदै गरेको सु.प.प्र. ०१–००१ ख ३९६३ नम्बरको बस आज दिउँसो करिब ३ बजे दुर्घटनामा परेको हो।
प्रहरीका अनुसार बस सडकबाट करिब ६० मिटर तल खसेको छ।
दुर्घटनामा भएको मानवीय क्षति तथा घाइतेहरूको अवस्थाबारे विस्तृत विवरण आउन बाँकी छ। घटनास्थलमा प्रहरी र स्थानीयवासी उद्धार कार्यमा जुटिरहेका छन्।
