काठमाडौंस्थित पशुपति क्षेत्रको बागमती किनारमा रहेको विरूपाक्ष्यको मूर्ति धार्मिक तथा ऐतिहासिक दृष्टिले महत्वपूर्ण मानिन्छ। जमिनमुनि आधा भाग रहेको र आधा भाग बाहिर देखिने यो मूर्तिबारे विभिन्न धार्मिक जनविश्वास र किंवदन्ती प्रचलित छन्।
जनविश्वासअनुसार त्रेता युगमा विरूपाक्ष्यको टाउको मात्र देखिएको, द्वापर युगमा छातीसम्म र कलियुगमा कमरसम्मको भाग देखिएको मानिन्छ। यसै विश्वासमा, विरूपाक्ष्यको मूर्तिको खुट्टासम्मको भाग बाहिर देखिएको दिन संसार ध्वस्त हुने जनश्रुति समेत रहँदै आएको छ।
तर, विरूपाक्ष्यको खुट्टा देखिएपछि पृथ्वी नै ध्वस्त हुन्छ भन्ने कुराको वैज्ञानिक प्रमाण भने छैन। यो धार्मिक आस्था, किंवदन्ती र स्थानीय जनविश्वाससँग जोडिएको विषय हो।
पशुपति क्षेत्रको बागमती किनारमा रहेको विरूपाक्ष्यको यो रहस्यमय स्वरूपले आज पनि भक्तजन, इतिहास तथा संस्कृति अध्ययनकर्ताको ध्यान आकर्षित गर्दै आएको छ। 🙏🔱
