थाइल्याण्डस्थित टेर्डथाइ क्रिकेट मैदानमा टस हारेर पहिले ब्याटिङ गरेको पाकिस्तान ‘ए’ ले निर्धारित २० ओभरमा ६ विकेट गुमाउँदै १३७ रन बनाएको हो।
पाकिस्तानका लागि कप्तान हफ्सा खालिदले अविजित ४० रन बनाइन्। त्यस्तै, वाहिदा अख्तरालले २३ रन, हुरैना सज्जादले १७ रन र शावल जुल्फिकारले १० रनको योगदान दिइन्।
नेपालका तर्फबाट कविता कुँवरले २ विकेट लिइन् भने रिया शर्मा, मनीषा उपाध्याय, रुबिना क्षेत्री र सीता राना मगरले समान १–१ विकेट हात पारे।
