राष्ट्रपति रामचन्द्र पौडेल ले ग्याल्पो ल्होसारको अवसरमा शुभकामना सन्देश दिँदै पर्वले नेपालीबीच एकता, सामाजिक-सांस्कृतिक ऐक्यबद्धता, सहिष्णुता, सद्भाव र बन्धुत्वको भावना अभिवृद्धि गर्ने बताएका छन्।
उनले भनेका छन्, “नेपाल बहुजातीय, बहुभाषिक, बहुधार्मिक, बहुसांस्कृतिक र भौगोलिक रूपमा विविधतायुक्त राष्ट्र भएकाले ग्याल्पो ल्होसारजस्ता पर्वहरूले सबै नेपालीबीच एकता र सामाजिक सद्भाव सुदृढ गर्न मद्दत पुर्याउँछ। यसले राष्ट्रिय एकतालाई थप मजबुत बनाउने काम गर्छ।”
राष्ट्रपतिले शेर्पा समुदायका स्वदेश तथा विदेशमा रहेका दिदीबहिनी र दाजुभाइहरूमा सुख, शान्ति र समृद्धिको हार्दिक शुभकामना व्यक्त पनि गरेका छन्।
