राष्ट्रिय स्वतन्त्र पार्टी (रास्वपा) का सभापति रवि लामिछानेले दाङमा आयोजित चुनावी सभालाई सम्बोधन गर्दै एमालेको झण्डा जलाउने घटना भए कारवाही गरिने स्पष्ट पारेका छन्। उनले भने, “रास्वपाका कार्यकर्ताले एमालेको झण्डा जलाए कारबाही हुनेछ। तर यदि कसैले घुसपैठ गरेर विवाद उत्पन्न गर्ने प्रयास गर्यो भने होसियार रहनुहोस्। रास्वपाले गरेको भए कारवाही हुन्छ, तर नभएर अन्यायपूर्ण प्रचार भए त्यसलाई बेवास्ता गर्नु ठीक हुन्छ।”
सभामा उनले आफ्ना केही समर्थकहरूले गाली गरेको सुनेको उल्लेख गर्दै भने, “रास्वपाले सबैलाई जन्माएको होइन। यहाँका समर्थकहरू काम गर्न नसकेपछि रास्वपा बनाएका हुन्। रास्वपा तीन वर्षको पार्टी हो, यहाँ ३ वर्षको बच्चा त छैनन्, सबैजना जवान समर्थक हुन्।”
लामिछानेले चोकचोकमा उभिएर आरोप लगाउनेहरूलाई जवाफ दिन नचाहेको पनि बताए। उनले भने, “मलाई आरोप लगाउनेहरूले धेरै आरोप लगाएका छन्। म तिनलाई उठेर जवाफ फर्काउँदिनँ। ती योजनाकारहरू हुन् जो म जित्ने उद्देश्यले त्यहाँ बसेका छन्। मध्यरातमा प्रहरीले मेरो बेडरुममा अन्तिम इच्छा सोध्न पठाएको थियो। जवाफ दिने यो पटक मतपत्रमा हुनेछ।”
पुराना दलहरूलाई लक्षित गर्दै उनले भने, “तपाईंहरूको संगठन छ भने सडकबाट प्रतिपक्षको भूमिका निर्वाह गर्नुहोस्। एक ठाउँमा पनि मत नजितोस्। तपाईंहरूले आफ्नो सङ्गठनको शक्ति सडकबाट देखाउनुस्। हामी काम गर्छौँ, तपाईंहरू खबरदारी गर्नुहोस्, हामी हेर्छौँ।”
