विवादित मेडिकल व्यवसायी तथा ‘राष्ट्र, राष्ट्रियता, धर्म–संस्कृति तथा नागरिक बचाउ महाअभियान’का संयोजक Durga Prasai पुनः पक्राउ परेका छन्।
आसन्न निर्वाचनलाई प्रभावित पार्ने उद्देश्यले आइतबारदेखि आमहड्तालको आह्वान गर्दै फेसबुकमा भिडियो सार्वजनिक गरेको आरोपमा उनलाई भक्तपुर प्रहरीले नियन्त्रणमा लिएको हो।
जिल्ला प्रहरी परिसर भक्तपुरका प्रवक्ता प्रकाश जबेगु लिम्बुका अनुसार प्रसाईंलाई बिहान ८ बजे भक्तपुरस्थित उनकै निवासबाट पक्राउ गरिएको हो। “सार्वजनिक शान्तिविरुद्धको कसुरमा अनुसन्धानका लागि नियन्त्रणमा लिइएको हो,” उनले जानकारी दिए।
प्रसाईंले शनिबार फेसबुकमार्फत चुनाव अवधिभर आमहड्ताल गर्ने घोषणा गर्दै आगजनी र तोडफोडका घटना हुन सक्ने अभिव्यक्ति दिएका थिए। हाल उनलाई प्रहरी परिसर भक्तपुरमा राखेर अनुसन्धान भइरहेको छ।
यसअघि ४ फागुनमा पक्राउ परेका प्रसाईं १३ फागुनमा रिहा भएका थिए। Supreme Court of Nepal का न्यायाधीशद्वय मनोजकुमार शर्मा र मेघराज पोखरेलको इजलासले बन्दी प्रत्यक्षीकरणको रिटमा सुनुवाइ गर्दै उनलाई थुनामुक्त गर्न आदेश दिएको थियो।
