टोखा नगरपालिका वडा नं. ११ अन्तर्गत रहेको ल्याब प्रयोगशाला, हालै (Gen Z) आन्दोलनको क्रममा क्षतिग्रस्त भएपछि ठप्प परेको थियो। तर वडा अध्यक्ष घनश्याम खड्का ज्युको नेतृत्वमा गरिएको समीक्षा तथा जाँचपछि ल्याब पुनः सञ्चालनमा आएको छ। यस पुनः सञ्चालनले स्थानीय स्वास्थ्य सेवा क्षेत्रमा महत्वपूर्ण योगदान पुर्याउने विश्वास व्यक्त गरिएको छ।
पुनः सञ्चालन भएको ल्याब हरेक दिन बिहान १०:०० बजे देखि साँझ ४:०० बजे सम्म सेवा उपलब्ध गराउने छ। साथै, महिनामा दुई दिन विशेष रूपमा सुगर (मधुमेह) रोगीहरूको उपचारका लागि बिहान ८:०० बजे देखि विशेष सेवा प्रदान गरिने जानकारी प्राप्त भएको छ।
टोखा–११ ले लामो समयदेखि विभिन्न रोगहरूको उपचार गर्दै आएको इतिहास छ। यस कार्यलाई निरन्तरता दिँदै ल्याबको पुनःसञ्चालनले स्थानीय बासिन्दामा खुसी र आशा जगाएको छ। स्वास्थ्य सेवा सुविधा पुनः खुलेको समाचार सुनेर टोखा बासिन्दाहरू उत्साहित देखिएका छन् र यस पहलको उच्च प्रशंसा गर्दैछन्।
वडा अध्यक्ष घनश्याम खड्का ज्युले भने, “स्थानीय स्वास्थ्य सेवा र रोगीहरूको सहज पहुँच हाम्रो प्राथमिकता हो। ल्याब पुनः सञ्चालनले समुदायमा सकारात्मक प्रभाव पार्नेछ।”
यो कदमले टोखा–११ क्षेत्रमा स्वास्थ्य सेवा पहुँचलाई थप सुदृढ पार्ने र रोगीहरूलाई नियमित उपचारमा सहजता ल्याउने अपेक्षा गरिएको छ।
