चितवन, १९ चैत — भरतपुर मालपोत कार्यालयमा अनधिकृत रुपमा प्रवेश गर्ने १६ जनालाई जिल्ला प्रहरी कार्यालय चितवनले बिहीबार पक्राउ गरेको छ।
कार्यालयले जारी गरेको सूचनामा अबदेखि सेवा लिन आउने व्यक्तिहरू र कानुनअनुसार दर्ता भएका भू–सेवा सञ्चालकहरूलाई मात्रै प्रवेश अनुमति दिइने उल्लेख गरिएको छ।
सेवासम्बन्धी काम कारबाही मात्र सम्बन्धित व्यक्ति वा दर्ता भएका भू–सेवा सञ्चालकले पेश गरेका कागजातको आधारमा अगाडि बढाइने कार्यालयले जनाएको छ। भू–सेवा सञ्चालकहरूले कार्यालय प्रवेश गर्दा अनिवार्य रूपमा परिचयपत्र लिएर आउनुपर्ने व्यवस्था गरिएको छ।
कार्यालयले सेवाग्राहीहरूलाई अनधिकृत व्यक्तिमा भर नपर्न र आधिकारिक प्रक्रिया अपनाउन सचेत गराएको छ।
