बालेन्द्र शाहको सचिवालयले सरकारी कार्यालयहरूमा अनावश्यक खर्च कटौती गर्न सर्कुलर जारी गरेको छ। उक्त निर्देशनअनुसार प्रत्येक कोठामा प्रधानमन्त्रीको फोटो झुण्ड्याउने परम्परा रोक्न र आवश्यक तथा औचित्यका आधारमा मात्रै फोटो राख्न भनिएको छ।
डिप्लोमेटिक मिसन बाहेकका कार्यालयहरूमा आवश्यकता भन्दा बढी कोठा–कोठामा फोटो राख्ने र त्यसबाट हुने खर्चलाई नियन्त्रण गर्न यस्तो सर्कुलर जारी गरिएको सचिवालयले जनाएको छ।
सरकारी खर्चलाई व्यवस्थित र मितव्ययी बनाउन विभिन्न तहमा पहल भइरहेका बेला यो निर्णय खर्च कटौतीतर्फको महत्वपूर्ण कदमका रूपमा हेरिएको छ। परम्परागत रूपमा अपनाइँदै आएको फोटो झुण्ड्याउने अभ्यासले अनावश्यक व्यय बढाएको भन्दै उक्त व्यवस्था लागू गरिएको हो।
