काठमाडौँ – काठमाडौँको पिंगलास्थानबाट लागूऔषध कारोबारको आशंकामा दुई भारतीय नागरिक पक्राउ परेका छन्।
लागूऔषध नियन्त्रण ब्युरोको टोलीले गएराति प्रहरीसँग जम्काभेट भएपछि गोली प्रहार गर्दै उनीहरुलाई नियन्त्रणमा लिएको हो। गोली लागेर भारतको बिहार घर भएका अनिल कुमार पासवान घाइते भएका छन् र उनको ट्रमा सेन्टरमा उपचार भइरहेको छ।
बरामद भएको सामानमा करिब १ किलोग्राम खैरो हेरोइन रहेको छ। ब्युरोका एसपी रेग्मी नेतृत्वको टोलीले खैरो हेरोइन कारोबार भइरहेको सूचनाको आधारमा उक्त क्षेत्रमा छापा मारेको थियो।
