काठमाडौँ । अमेरिकाको लस एन्जलस बाट एक चर्चित गायक हत्या आशंकामा पक्राउ परेका छन्। प्रहरीले स्टेज नाम ‘डिफोरभिड’ बाट चिनिने डेभिड एन्थोनी बर्क लाई बिहीबार साँझ करिब ४:३० बजे हलिउड क्षेत्रबाट नियन्त्रणमा लिएको जनाएको छ।
प्रहरीका अनुसार १४ वर्षीया सेलेस्टे रिभास हर्नान्डेज को शव गायककै टेस्ला कारभित्र सडेको अवस्थामा फेला परेको थियो। उक्त सवारीसाधन ‘हलिउड टो’ नामक स्थानमा सेप्टेम्बर ८, २०२५ देखि पार्किङ गरिएको अवस्थामा थियो। दुर्गन्ध आएपछि स्थानीयले जानकारी गराएपछि प्रहरीले अनुसन्धान सुरु गरेको थियो।
सेलेस्टे सन् २०२४ मा इन्ल्यान्ड एम्पायर क्षेत्र बाट हराएकी थिइन्। त्यसयता उनको अवस्थाबारे कुनै जानकारी थिएन। शव फेला पर्नु एक दिनअघि मात्र उनको १५औँ जन्मदिन परेको थियो।
प्रहरीले बर्कलाई हाल बिना जमानत हिरासतमा राखेको जनाएको छ। यो मुद्दा सोमबार लस एन्जलस काउन्टी जिल्ला न्यायाधिवक्ताको कार्यालय मा पेश गरिने तयारी छ।
उनका कानुन व्यवसायीहरूले भने बर्कमाथि औपचारिक आरोप अझै नलागेको दाबी गर्दै उनी निर्दोष रहेको र त्यसको प्रमाण प्रस्तुत गर्ने बताएका छन्। हालसम्म मृतक किशोरीको परिवारसँग प्रत्यक्ष सम्पर्क हुन नसकेको जनाइएको छ।
