काठमाडौं । नेपालले SAFF Women’s Championship 2026 मा सहज समूह पाएको छ। आज सार्वजनिक गरिएको ‘ड्र’ अनुसार नेपाल समूह ‘ए’ मा भुटान र श्रीलंकासँग प्रतिस्पर्धा गर्नेछ।
समूह ‘बी’ मा भने साविक विजेता बंगलादेश र भारतसँगै माल्दिभ्स रहेका छन्, जसले उक्त समूहलाई तुलनात्मक रूपमा बलियो बनाएको छ।
यसअघि Nabin Neupane ले प्रतियोगिताका लागि ३५ सदस्यीय प्रारम्भिक टोली घोषणा गरेका थिए। राष्ट्रिय खेलकुद परिषद् र All Nepal Football Association बीचको विवादका कारण नेपालको सहभागिता अन्योलमा परेको थियो। तर अन्तिम समयमा एन्फाले टोली घोषणा गर्दै तयारीलाई गति दिएको हो।
प्रतियोगिताको तयारीस्वरूप प्रारम्भिक बन्द प्रशिक्षण आगामी अप्रिल २७ देखि सातदोबाटोस्थित एन्फा कम्प्लेक्समा सुरु हुने बताइएको छ।
यस संस्करणको साफ महिला च्याम्पियनसिप भारतको गोवास्थित फाटोर्डा स्टेडियममा आगामी मे २५ देखि आयोजना हुनेछ।
नेपाल यस प्रतियोगितामा पटक–पटक फाइनलसम्म पुगे पनि हालसम्म उपाधि जित्न सकेको छैन। यसपटक भने प्रशिक्षक नवीन न्यौपानेको नेतृत्वमा ऐतिहासिक सफलता हात पार्ने लक्ष्यसहित टोली मैदान उत्रनेछ।
प्रारम्भिक टोलीमा समावेश ३५ खेलाडी:
एन्जिला तुम्बापो सुब्बा, अन्जना राना मगर, अनिता बस्नेत, अनिता लम्जेल, अनिता केसी, अस्मिता नेपाली, वर्षा ओली, बिमला बीके, बिमला चौधरी, विर्सना चौधरी, दीपा शाही, गीता राना, हिरा भुजेल, जेनिफर राना, मनमाया दमाई, मीना देउवा, नेहा कुमारी चौधरी, निशा थोकर, पुनम चेम्जोङ, प्रतिक्षा चौधरी, प्रीति राई, पूजा राना, पूर्णीमा राई, रश्मी कुमारी घिसिङ, रेखा पौडेल, रेनुका नगरकोटी, सबिना चौधरी, सजनी ठोकर, समिक्षा घिमिरे, सरस्वती हमाल, सरू लिम्बू, सिलु परियार, सुकृया मिया, सुशिला कुमारी र उषा नाथ।
