काठमाडौं । सप्तरीमा जंगली हात्तीको आक्रमणबाट एक जनाको मृत्यु भएको छ। अग्नीसाईर कृष्णासवरन गाउँपालिका–६ मोहनपुरका ६६ वर्षीय यज्ञश्वर निरौलाको ज्यान गएको हो।
प्रहरीका अनुसार आफ्नै बारीमा मकै कुरेर बसेका निरौलामाथि गएराति करिब ११:४५ बजे हात्तीले आक्रमण गरेको थियो। आक्रमणपछि उनको घटनास्थलमै मृत्यु भएको बताइएको छ।
मृतकको शव आवश्यक प्रक्रिया पूरा गरी पोस्टमार्टमका लागि राजविराजस्थित गजेन्द्रनारायण सिंह अस्पताल पठाइएको छ। शव परीक्षणपछि परिवारलाई जिम्मा लगाउने तयारी भइरहेको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय सप्तरीले जानकारी दिएको छ।
