काठमाडौं । सम्पत्ति शुद्धीकरण अनुसन्धान विभागले बागमती प्रदेशका मुख्यमन्त्री इन्द्रबहादुर बानियाँसँग सम्बन्धित विभिन्न स्थानमा छापा मारेको छ ।
विभागले अवैध सम्पत्ति आर्जन तथा सम्पत्ति लुकाएको आशंकामा सोमबार कारबाही अघि बढाएको स्रोतले जनाएको छ ।
छापाका क्रममा हेटौंडा सानोपोखरास्थित बानियाँ निर्माण सेवा (बीएनएस) कम्पनी, त्यहीँ रहेको उनको निजी निवास तथा काठमाडौंको नक्साल र सुन्धारास्थित कार्यालयमा समेत टोली पुगेको बताइएको छ ।
अनुसन्धानका क्रममा केही कागजात तथा अन्य प्रमाणहरू संकलन गरिएको र सर्जिमिन मुचुल्का तयार पारिएको जनाइएको छ ।
