काठमाडौं । मंगलबार नेपाली बजारमा सुनको मूल्य झण्डै ३ हजार ८ सय रुपैयाँले घटेको छ। सोमबार प्रतितोला २ लाख ९४ हजार ८ सय रुपैयाँमा कारोबार भएको सुन आज २ लाख ९१ हजार रुपैयाँमा झरेको हो, जसको जानकारी नेपाल सुनचाँदी व्यवसायी महासंघ ले दिएको छ।
चाँदीको मूल्यमा पनि गिरावट देखिएको छ। सोमबार ५ हजार ३० रुपैयाँ रहेको चाँदी आज ४ हजार ८८० रुपैयाँमा कारोबार भइरहेको छ, अर्थात् प्रतितोला १ सय ५० रुपैयाँले कमी आएको छ।
