काठमाडौं । Ministry of Foreign Affairs Nepal ले लिम्पियाधुरा, लिपुलेक र कालापानी क्षेत्रको सीमा विवाद कूटनीतिक माध्यमबाट समाधान गर्न नेपाल सरकार प्रतिबद्ध रहेको जनाएको छ ।
शुक्रबार आयोजित पत्रकार सम्मेलनमा मन्त्रालयका प्रवक्ता Lok Bahadur Paudyal Chhetri ले लिपुलेक क्षेत्रबारे नेपालको धारणा स्पष्ट र अडिग रहेको बताएका हुन् ।
उनले नेपाली भूमि लिपुलेक हुँदै भारत–चीनबीच सञ्चालन हुने भनिएको कैलाश मानसरोवर यात्राबारे नेपालले यसअघि नै आफ्नो आधिकारिक धारणा सार्वजनिक गरिसकेको उल्लेख गरे । साथै, सन् १८१६ को Treaty of Sugauli अनुसार महाकाली नदीपूर्वका लिम्पियाधुरा, लिपुलेक र कालापानी नेपालको अभिन्न भूभाग भएकोमा सरकार स्पष्ट रहेको बताए ।
प्रवक्ता पौडेलले नेपालले आफ्नो अडान भारत र चीन दुवैलाई कूटनीतिक माध्यमबाट जानकारी गराइसकेको पनि बताए ।
नेपाल–भारतबीचको मैत्रीपूर्ण सम्बन्धको भावना अनुरूप ऐतिहासिक सन्धि, तथ्य, नक्सा र प्रमाणका आधारमा सीमा समस्या समाधान गर्न नेपाल सरकार निरन्तर प्रयासरत रहेको मन्त्रालयको भनाइ छ ।
