मोरङको रतुवामाई नगरपालिका–२ स्थित घररुचोक सीमा क्षेत्रमा सशस्त्र प्रहरीले २० लाख भारतीय रुपैयाँ बरामद गरेको छ । बैशाख २७ गते राति सीमा सुरक्षा गुल्म बरडंगा र बीओपी डोरियाको संयुक्त टोलीले उक्त रकम बरामद गरेको हो ।
प्रहरीका अनुसार ५ सय दरका ४० बण्डल भारतीय रुपैयाँ भारतबाट नेपालतर्फ मोटरसाइकलमा आउँदै गरेका व्यक्तिमाथि शंका लागेपछि जाँच गर्ने क्रममा फेला परेको हो । जाँचका क्रममा मोटरसाइकल पछाडि बसेका व्यक्तिले बोकेको झोला त्यहीँ छाडेर फरार भएका थिए ।
बरामद गरिएको रकम आवश्यक अनुसन्धान तथा कारबाहीका लागि सम्बन्धित निकायमा बुझाउने प्रक्रिया अघि बढाइएको सशस्त्र प्रहरीले जनाएको छ ।
