Kathmandu Metropolitan City ले जेठ १ गतेदेखि छात्रवृत्ति परीक्षाको अनलाइन आवेदन खुला गर्ने भएको छ। महानगरअन्तर्गतका संस्थागत विद्यालय तथा कलेजहरूमा शैक्षिक सत्र २०८३/०८४ मा कक्षा ११ र १२ मा छात्रवृत्ति कोटामा अध्ययन गर्न इच्छुक विद्यार्थीहरूलाई परीक्षा प्रणालीमार्फत छात्रवृत्ति प्रदान गरिने जनाएको छ।
महानगरपालिकाको वेबसाइट तथा entrance.kathmandu.gov.np मार्फत अनलाइन आवेदन दिन सकिने व्यवस्था गरिएको छ।
अनलाइन आवेदन जेठ १० गतेसम्म भर्न सकिनेछ भने छात्रवृत्ति परीक्षा जेठ १७ गते बिहान ८ बजेदेखि १० बजेसम्म सञ्चालन हुने बताइएको छ। परीक्षामा कक्षा १० को पाठ्यक्रममा आधारित १०० वटा वस्तुगत बहुविकल्पीय प्रश्न सोधिने महानगरले जनाएको छ।
