काठमाडौं । सरकारले मासिक ५० युनिटभन्दा बढी विद्युत् खपत गर्ने उपभोक्तामाथि ५ प्रतिशत भ्याट लगाउने निर्णय गरेपछि पूर्वकार्यकारी निर्देशक Kulman Ghising ले आपत्ति जनाएका छन्।
सामाजिक सञ्जालमार्फत प्रतिक्रिया दिँदै घिसिङले उक्त निर्णय आम उपभोक्ताको हितविपरीत रहेको भन्दै तत्काल फिर्ता लिन सरकारसँग माग गरेका हुन्।
उनले स्वदेशमै उत्पादित स्वच्छ ऊर्जाको उपयोग बढाउने राष्ट्रिय अभियानविरुद्ध कर लगाइनु उचित नभएको बताएका छन्। घिसिङका अनुसार यो निर्णयले लाखौं घरपरिवारको मासिक खर्च बढाउने, विद्युत् प्रयोगलाई निरुत्साहित गर्ने तथा उपभोक्तालाई पुनः एलपी ग्यासतर्फ धकेल्ने जोखिम बढाउनेछ।
देशभित्रै उत्पादित विद्युत्को खपत बढाउन प्रोत्साहनमूलक नीति आवश्यक रहेको उनको भनाइ छ।
