काठमाडौं । नेपाली कांग्रेस केन्द्रीय अनुशासन समितिको बैठक आज बस्ने भएको छ। बैठक दिउँसो १ बजे ललितपुरस्थित बीपी नगरमा रहेको पार्टीको केन्द्रीय कार्यालयमा आयोजना गरिने जनाइएको छ।
पार्टीले समितिका संयोजक तथा सदस्यहरूलाई बैठकमा अनिवार्य रूपमा उपस्थित हुन आग्रह गरेको छ। बैठकमा पार्टीभित्रको अनुशासन, संगठनात्मक व्यवस्थापन तथा अनुशासनसम्बन्धी विभिन्न समसामयिक विषयमा छलफल हुने बताइएको छ।
बैठकबाट पार्टी अनुशासनलाई थप प्रभावकारी बनाउने विषयमा आवश्यक निर्णयहरू समेत हुन सक्ने अपेक्षा गरिएको छ।
