काठमाडौं । प्रतिपक्षी दल श्रम संस्कृति पार्टीका अध्यक्ष Harka Raj Rai (Sampang) ले सरकारले प्रस्तुत गरेको आगामी आर्थिक वर्षको बजेट मुलुकका वास्तविक समस्या समाधानभन्दा बाहिरी विकासका योजनामा केन्द्रित भएको टिप्पणी गरेका छन्।
प्रतिनिधिसभामा बजेटमाथिको छलफलमा बोल्दै उनले देशको समस्यालाई ‘खुट्टाको घाउ’ र विकासलाई ‘नयाँ जुत्ता’सँग तुलना गरे। उनका अनुसार बजेटले जनताका आधारभूत समस्या समाधान गर्नुभन्दा नयाँ योजना र संरचना थप्नेतर्फ बढी ध्यान दिएको देखिन्छ।
साम्पाङले नेपालमा पेट्रोलियम पदार्थको मूल्य विश्वकै महँगोमध्ये पर्दा पनि त्यसलाई घटाउने विषयमा बजेट मौन रहेको भन्दै असन्तुष्टि जनाए। दैनिक उपभोगका वस्तु तथा सेवाको मूल्यवृद्धिले जनजीवन प्रभावित भइरहेका बेला सरकारले त्यसतर्फ पर्याप्त ध्यान नदिएको उनको भनाइ थियो।
उनले सरकारको भूमिका शान्ति–सुरक्षा कायम गर्ने र नागरिकलाई आवश्यक सेवा–सुविधा उपलब्ध गराउने भएको उल्लेख गर्दै घर बनाएर बिक्री गर्ने जस्ता योजनामा सरकार संलग्न हुनु उपयुक्त नहुने धारणा पनि राखे।
