काठमाडौं । काठमाडौं उपत्यकामा पछिल्लो २४ घण्टामा सवारी नियम उल्लङ्घन गर्ने २ हजार ४०८ चालक कारबाहीमा परेका छन्। उक्त कारबाहीबाट रु ४ लाख ५८ हजार राजस्व सङ्कलन भएको काठमाडौं उपत्यका ट्राफिक प्रहरी कार्यालयले जनाएको छ।
कार्यालयका अनुसार मादक पदार्थ सेवन गरेर सवारी चलाउने १४०, नियमविपरीत राइड सेयरिङ गर्ने ११६, ट्राफिक सङ्केत बत्ती उल्लङ्घन गर्ने १३८ तथा तीव्र गतिमा सवारी चलाउने २८४ चालकलाई कारबाही गरिएको छ।
त्यसैगरी, लेन अनुशासन उल्लङ्घन गर्ने ८५, निषेधित क्षेत्रमा हर्न बजाउने १०६, सडक पेटीमा सवारी पार्किङ गर्ने १२४, एकतर्फी सडकमा सवारी चलाउने ११६ तथा अन्य विभिन्न ट्राफिक नियम उल्लङ्घन गर्ने १ हजार ३३५ जनालाई समेत कारबाही गरिएको प्रहरीले जनाएको छ।
ट्राफिक प्रहरीले सडक सुरक्षालाई प्रभावकारी बनाउन नियमित अनुगमन तथा कारबाहीलाई निरन्तरता दिइरहेको जनाएको छ।
