गाउँपालिका अध्यक्षसहित तीनजनाविरुद्ध सामूहिक बलात्कार मुद्दा दर्ता
कपिलवस्तुको शुद्धोधन गाउँपालिकाका अध्यक्ष कमलेशरण चौधरी सहित तीनजनाविरुद्ध सामूहिक बलात्कारको मुद्दा दर्ता गरिएको छ।
अध्यक्ष चौधरीसहित राजेश्वर चौधरी र सन्तकुमार यादव विरुद्ध सरकारी वकिल कार्यालयले सामूहिक बलात्कारको अभियोग दर्ता गरेको हो।
जिल्ला सरकारी वकिल कार्यालय, रुपन्देहीले ‘भैरहवा–१५’ नाम परिवर्तन गरी दर्ता गरिएको जाहेरीका आधारमा मुद्दा अघि बढाएको जनाएको छ।
मुद्दा दर्तासँगै अध्यक्ष चौधरीको पदसमेत संकटमा परेको छ। यस प्रकरणमा सन्तकुमार यादव हाल थुनछेकका लागि कारागारमा रहेका छन्। पीडितले २०८१ असोज ६ गते किटानी जाहेरी दिएकी थिइन्।
यता, अध्यक्ष चौधरीले आरोप अस्वीकार गर्दै आफूलाई फसाइएको दाबी गरेका छन् र कानुनी लडाइँ लड्ने बताएका छन्।...
