अदालतले हिरासतमा राख्न अनुमति नदिएपछि दुर्गा प्रसाईं रिहा
राजावादी आन्दोलनको घोषणा गरेपछि पक्राउ परेका दुर्गा प्रसाईं एक दिनमै रिहा भएका छन्।
जिल्ला प्रहरी परिसर भक्तपुरका प्रवक्ता डीएसपी दीपक कार्कीका अनुसार जिल्ला अदालत भक्तपुरले उनलाई हिरासतमा नराखी मुद्दाको अनुसन्धान अघि बढाउन आदेश दिएको हो।
प्रहरीले प्रसाईंविरुद्ध साइबर अपराध, राज्यविरुद्धको कसुर, सार्वजनिक नैतिकता तथा शिष्टाचारविरुद्ध, र सार्वजनिक शान्तिविरुद्ध लगायतका अभियोगमा अनुसन्धानका लागि म्याद मागेको थियो।
तर जिल्ला अदालत भक्तपुरले ती मुद्दाहरूमा हिरासत बाहिरै राखेर अनुसन्धान तथा कानुनी प्रक्रिया अघि बढाउन आदेश दिएपछि प्रसाईं रिहा भएका हुन्।...
