धादिङको सल्यानटारमा एउटै रुखका चार जराको बीचमा विराजमान सिदेश्वर महादेव
धादिङको त्रिपुरासुन्दरी गाउँपालिका–सल्यानटारस्थित सिदेश्वर महादेव धार्मिक आस्था र प्राकृतिक रहस्यले भरिएको पवित्र स्थलका रूपमा परिचित छ। यहाँ रहेको शिवलिङ्गको दर्शन गर्न टाढाटाढाबाट भक्तजनहरू पुग्ने गरेका छन्।
यस स्थानको विशेष आकर्षण भनेको एउटै रुखका चारवटा जराको बीचमा सिदेश्वर महादेव विराजमान हुनु हो। प्रकृति र धार्मिक आस्थाको यस्तो अद्भुत संगमले यस स्थललाई अझै विशेष बनाएको छ। रुखका जराहरूले शिवलिङ्गलाई चारैतिरबाट घेरेको दृश्य भक्तजनका लागि श्रद्धा र कौतुहलताको विषय बन्ने गरेको छ।
स्थानीय धार्मिक विश्वासअनुसार सिदेश्वर महादेवको दर्शन तथा पूजाआजा गरेमा मनोकामना पूरा हुने र जीवनमा सुख, शान्ति तथा सकारात्मक ऊर्जा प्राप्त हुने विश्वास गरिन्छ। विशेषगरी शिवभक्तहरू यहाँ पुगेर शिवलिङ्गमा जल, दूध तथा फूल–अक्षता अर्पण गर्दै भगवान् शिवको आराधना गर्ने गर्छन्।
प्राकृतिक संरचनाभित्रै शिवलिङ्ग विराजम...
