डाक्टर रोकरी वशिष्ठका अनुसार, ब्युरो न्यूज नयाँ दिल्ली अन्तर्राष्ट्रिय समरसता मञ्चले नेपालका कोशी प्रदेशका प्रसिद्ध आध्यात्मिक सन्त जगतगुरु शिव शक्ति बाबा महाराज (श्री श्री श्री महाराज, द्वितीय सिद्ध पुरुष) लाई ‘प्रथम राजीव गान्धी गौरव रत्न अवार्ड’ बाट सम्मानित गर्ने घोषणा गरेको छ।
भारत रत्न तथा पूर्वप्रधानमन्त्री स्वर्गीय श्री राजीव गान्धीको जयन्ती समापन महोत्सवका अवसरमा २३ अगस्ट २०२६ मा नयाँ दिल्लीमा आयोजना हुने भव्य अन्तर्राष्ट्रिय समारोहमा उक्त सम्मान प्रदान गरिने जनाइएको छ।
मञ्चका अनुसार जगतगुरु शिव शक्ति बाबा महाराजलाई सनातन संस्कृतिको संरक्षण तथा प्रवर्द्धन, धर्म प्रचार, पर्यावरण संरक्षण, मानव सेवा तथा राष्ट्र निर्माणका क्षेत्रमा उहाँले पुर्याएको उल्लेखनीय एवं प्रेरणादायी योगदानका लागि सम्मानका लागि चयन गरिएको हो।
नेपाल सरकारका प्रथम उपराष्ट्रपति परमानन्द झाका विशिष्ट सल्लाहकार डा. कुलपति प्रसाद शर्मा र पूर्वप्रधानमन्त्री राजीव गान्धी गौरव रत्न अवार्ड अन्तर्राष्ट्रिय समरसता मञ्चको सर्वोच्च मानद सम्मान हो।
यो सम्मान समाज, संस्कृति, शिक्षा, पर्यावरण, मानव सेवा तथा राष्ट्र निर्माणका क्षेत्रमा असाधारण योगदान पुर्याउने विशिष्ट व्यक्तित्वलाई सम्मान गर्ने उद्देश्यले प्रदान गरिँदै आएको मञ्चले जनाएको छ।
समारोहको आयोजना सामाजिक समरसता, विश्व सद्भाव तथा सांस्कृतिक सहकार्यलाई प्रवर्द्धन गर्ने उद्देश्यले गरिएको बताइएको छ। कार्यक्रममा **‘वसुधैव कुटुम्बकम्’, ‘ग्लोबल विलेज’ र ‘सत्यम् शिवम् सुन्दरम्’**का आदर्शलाई केन्द्रमा राखेर विभिन्न राष्ट्रिय तथा अन्तर्राष्ट्रिय विषयमा विचार–विमर्शसमेत गरिनेछ।
आयोजकका अनुसार समारोहमा भारतका विभिन्न राज्य तथा केन्द्रशासित प्रदेशका साथै नेपाल र भुटानबाट २७५ भन्दा बढी विशिष्ट अतिथि, सन्त–महात्मा, शिक्षाविद्, समाजसेवी, पर्यावरणविद्, राजनीतिज्ञ तथा विभिन्न क्षेत्रका प्रतिष्ठित व्यक्तित्व सहभागी हुने सम्भावना रहेको छ।
कार्यक्रमको विशेष आकर्षण २५ राष्ट्रका राष्ट्राध्यक्षको उपस्थितिमा आयोजना हुने अन्तर्राष्ट्रिय सम्मान समारोह रहने जनाइएको छ। यसले विश्व बन्धुत्व, सांस्कृतिक एकता तथा विश्वव्यापी सहकार्यको सन्देश दिने आयोजकको विश्वास छ।
मञ्चले यस सम्मानको उद्देश्य समाजका लागि प्रेरणादायी व्यक्तित्वको योगदानलाई राष्ट्रिय तथा अन्तर्राष्ट्रिय स्तरमा पहिचान दिलाउनुका साथै सेवा, संस्कार, सद्भाव, पर्यावरण संरक्षण र राष्ट्र निर्माणको भावनालाई सुदृढ बनाउनु रहेको जनाएको छ।
