सिन्धुलीको फिक्कल गाउँपालिका–६ नागथानस्थित मध्यपहाडी लोकमार्गमा काठमाडौंबाट खोटाङतर्फ जाँदै गरेको टाटा सुमो सुनकोशी नदीमा खस्दा तीन जनाको घटनास्थलमै मृत्यु भएको छ।
कार्तिक १ गते बिहान २:४० बजे गति अनियन्त्रित भई नदीमा खसेको सुमोमा चालकसहित १० जना सवार थिए। दुर्घटनामा तीन जना बेपत्ता भएका छन् भने चार जनाको उद्धार गरी उपचारका लागि घुर्मीस्थित स्थानीय मेडिकलमा पठाइएको छ।
घटनास्थलमा सशस्त्र प्रहरी बल नेपालका गोताखोरसहितका टोली र नेपाल प्रहरीको संयुक्त टोली परिचालन गरिएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिएका छन्।
