विराटनगर, माघ २० । मोरङको रंगेली नगरपालिका–५ मा एक युवकले श्रीमतीको हत्या गरी आफैंमाथि चक्कु प्रहार गर्दा दुवैको मृत्यु भएको छ।
प्रहरीका अनुसार मंगलबार बिहान करिब २ः४५ बजे रंगेली–५ धनपट्टीस्थित ससुराली घरमा २१ वर्षीय मुकेशकुमार मण्डलले २१ वर्षीया पत्नी अम्बिकाकुमारी मण्डलमाथि चक्कु प्रहार गरेका थिए। श्रीमतीको घटनास्थलमै मृत्यु भएपछि उनले सोही चक्कुले आफ्नै घाँटीमा प्रहार गर्दा उनको पनि ज्यान गएको हो।
मोरङ प्रहरीका डीएसपी लीलाराज लामिछानेका अनुसार घटनाबारे थप अनुसन्धान भइरहेको छ।
