काठमाडौं । प्रधानमन्त्री तथा झापा–५ बाट सांसदका उम्मेदवार बालेन शाहले नेपाली फेसबुक प्रयोगकर्तामाझ नयाँ कीर्तिमान कायम गरेका छन्। उनले हालसम्म ३४ लाख ९२ हजार १०७ जना फलोअर्स जोड्दै सबै नेपालीमध्ये सर्वाधिक फेसबुक फलोअर्स हुने व्यक्तिको रेकर्ड बनाएका हुन्।
बालेन शाहको फेसबुक पेजमा ९८ प्रतिशत रिकमेन्डेसन देखिएको छ भने साढे ११ हजारभन्दा बढी रिभ्यु प्राप्त भएका छन्। सामाजिक सञ्जालमा प्राप्त यो लोकप्रियता अहिलेसम्म कुनै पनि नेपाली व्यक्तिको नाममा नदेखिएको उल्लेखनीय उपलब्धि मानिएको छ।
राजनीतिक गतिविधि, सामाजिक मुद्दामा स्पष्ट धारणा र युवामाझ प्रभावशाली उपस्थितिका कारण बालेन शाह सामाजिक सञ्जालमा विशेष आकर्षणको केन्द्र बन्दै आएका छन्।
काठमाडौं । जेन–जी आन्दोलनका क्रममा भदौ २४ गते भएको आगलागीबाट क्षति पुगेको सिंहदरबारको मूल भवनसहित परिसरभित्र रहेका अन्य सरकारी भवनहरूको पुनर्निर्माण कार्य यही वर्षदेखि सुरु हुने भएको छ।
आगलागीबाट ऐतिहासिक तथा प्रशासनिक महत्व बोकेका संरचनामा क्षति पुगेपछि सरकारले विस्तृत प्राविधिक मूल्याङ्कन सम्पन्न गरी पुनर्निर्माणको प्रक्रिया अघि बढाएको हो। सम्बन्धित निकायका अनुसार काम चरणबद्ध रूपमा अघि बढाइनेछ।
पुनर्निर्माणका क्रममा सिंहदरबारको मौलिक वास्तुकला जोगाउँदै आधुनिक सुरक्षा मापदण्ड, आगलागी नियन्त्रण प्रणाली र संरचनागत मजबुतीलाई विशेष प्राथमिकता दिइने जनाइएको छ। सरकारी सेवा प्रवाहमा न्यून असर पर्ने गरी कार्ययोजना तयार गरिएको छ।
सरकारले सिंहदरबार परिसरलाई सुरक्षित, व्यवस्थित र दीर्घकालीन रूपमा प्रयोगयोग्य बनाउने लक्ष्यसहित पुनर्निर्माण कार्यलाई तीव्रता दिने जनाएक
