काठमाडौं ।
आगामी फागुन २१ गते हुने प्रतिनिधिसभा निर्वाचनका लागि अब २९ दिन मात्र बाँकी रहँदा देशभर चुनावी सरगर्मी बढ्दै गएको छ। राजनीतिक दलहरूले मतदाता केन्द्रित कार्यक्रम र प्रचार–प्रसारलाई तीव्र बनाइरहेका छन्।
निर्वाचनलाई शान्तिपूर्ण, निष्पक्ष र सुरक्षित रूपमा सम्पन्न गर्न एकीकृत सुरक्षा योजना २०८२ अनुसार आजदेखि नेपाली सेनाको संयोजनमा चारवटै सुरक्षा निकाय परिचालनमा आएका छन्।
सुरक्षा योजनाअनुसार नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागबीच समन्वय गर्दै संवेदनशील क्षेत्र पहिचान, सुरक्षा घेरा मजबुत बनाउने तथा सम्भावित जोखिम न्यूनीकरणमा विशेष ध्यान दिइने जनाइएको छ।
निर्वाचन आयोगसँगको सहकार्यमा मतदान केन्द्र, उम्मेदवार, चुनावी कार्यक्रम तथा मतगणनास्थलको सुरक्षा व्यवस्थालाई प्राथमिकतामा राखिएको सुरक्षा निकायहरूले बताएका छन्।
निर्वाचन नजिकिँदै जाँदा सुरक्षा संयन्त्र सक्रिय भएसँगै नागरिकमा विश्वास बढ्ने र लोकतान्त्रिक अभ्यास सुरक्षित वातावरणमा अघि बढ्ने अपेक्षा गरिएको छ
