सर्लाहीको बलरा नगरपालिकाको एउटा मतदान केन्द्रमा प्रतिनिधि समूहबीच विवाद भएपछि ढुंगामुढा हुँदा रोकिएको मतदान प्रक्रिया पुनः सुचारु भएको छ।
बिहानैदेखि विवाद सुरु भएको उक्त केन्द्रमा कांग्रेस र रास्वपा कार्यकर्ताबीच मतदाता भिडभाड र झगडा भएपछि एक घण्टा बढी मतदान स्थगित गरिएको थियो। अहिले प्रमुख जिल्ला अधिकारीसहित सबै सुरक्षा निकायका अधिकारी त्यहाँ पुगेका छन् र मतदान प्रक्रिया सुरक्षित बनाउन सक्रिय छन्।
उक्त मतदान केन्द्रमा करिब एक हजार तीन जना मतदाता रहेका छन्। सुरक्षाको दृष्टिले आवश्यक कदम उठाइएका कारण मतदाताहरूले ढुक्कसाथ मतदान गर्न सक्ने व्यवस्था गरिएको छ। प्रहरीले मतदान गरिसकेका व्यक्तिहरूलाई केन्द्र वरिपरि भीड नगर्न पनि अनुरोध गरेको छ।
