निर्वाचन आयोगले प्रतिनिधिसभा समानुपातिकतर्फ ८५ लाखभन्दा बढी मत गणना सम्पन्न गरेको छ। पछिल्लो परिणामअनुसार राष्ट्रिय स्वतन्त्र पार्टी (रास्वपा)को मत प्रतिशत केही घटेको देखिएको छ।
८५ लाख ३५ हजार २४० मत गणना हुँदा रास्वपाले ४१ लाख २३ हजार ८१ मत प्राप्त गरेको छ, जुन ४८.३० प्रतिशत हो। प्रारम्भिक गणनामा रास्वपाले ५० प्रतिशतभन्दा बढी मत पाएको थियो। यसको प्रतिशत घटेसँगै श्रम संस्कृति पार्टीको मत भने बढ्दै गएको छ।
नेपाली कांग्रेसले १३ लाख ८३ हजार ८७३ मत प्राप्त गर्दै १६.२१ प्रतिशत हासिल गरेको छ। त्यस्तै, नेकपा एमालेले ११ लाख ६७ हजार १५७ मत पाएको छ, जुन १३.६७ प्रतिशत हो।
त्यसैगरी नेकपाले ६ लाख हजार ५६४ मत प्राप्त गरेको छ भने श्रम संस्कृति पार्टीले २ लाख ९७ हजार १९७ मत पाएको छ। श्रम संस्कृति पार्टी राष्ट्रिय पार्टी बन्ने निश्चित भएको छ।
राष्ट्रिय प्रजातन्त्र पार्टी (राप्रपा)ले २ लाख हजार ६११ मत प्राप्त गरेको छ।
