नेकपा एमालेले पूर्वप्रधानमन्त्री तथा पार्टी अध्यक्ष केपी शर्मा ओली लाई तत्काल रिहा गर्न माग गरेको छ।
पार्टी केन्द्रीय कार्यालय च्यासलमा शनिबार बसेको सचिवालय बैठकले अध्यक्ष ओलीको रिहाइको माग गरेको हो।
बैठकले निर्णय गरेको छ कि आम जनसमुदाय र नागरिक समाजको दृढताको साथ कानुनी तथा राजनीतिक रूपमा सशक्त विरोध प्रदर्शन गर्ने। आज दिउँसो ३ बजे प्रत्येक जिल्लाको सदरमुकाममा जनसंगठनको तर्फबाट विरोध प्रदर्शन हुने छ।
बैठकले भोलि (चैत १५) मध्याह्न १२ बजे प्रत्येक जिल्लामा जिल्ला पार्टी कमिटीको आयोजनामा व्यापक प्रदर्शनसहित प्रमुख जिल्ला अधिकारीको कार्यालयमा विरोधपत्र बुझाउने निर्णय पनि गरेको छ।
साथै, एमालेले लोकतन्त्र र कानुनी राज्यका पक्षधर सबै दलहरूसँग संवाद र सहकार्य गर्ने तथा नागरिक समाज र आम जनसमुदायसँग सहकार्य गर्ने निर्णय पनि गरेको छ।
