स्थानीय बजारमा आज पनि सुनचाँदीको मूल्य बढेको छ। सुन तोलामा रु ६,७०० र चाँदी रु १४५ ले बढेको छ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु २,९०,२०० र चाँदीको मूल्य रु ४,८४५ कायम भएको छ।
हिजो सोमबार छापावाल सुन प्रतितोला रु २,८३,५०० र चाँदी रु ४,७०० मा कारोबार भएको थियो। गत आइतबार सुन प्रतितोला रु २,८६,००० र चाँदी रु ४,७२० मा रहेको थियो।
अन्तर्राष्ट्रिय बजारमा आज सुनको मूल्य एक औँसमा ४,५६० अमेरिकी डलर र चाँदी ८० अमेरिकी डलरमा कारोबार भइरहेको छ।
