धरान उपमहानगरपालिकाका मेयर तथा श्रम संस्कृति पार्टीका अध्यक्ष Harka Sampang ले आफ्नो सम्पत्ति विवरण सार्वजनिक गर्ने बताएका छन्।
सामाजिक सञ्जाल फेसबुकमा स्ट्याटस लेख्दै उनले आफ्नो नाममा चार–पाँच तोला सुन र करिब २–४ लाख रुपैयाँ बैंक मौज्दात रहेको उल्लेख गरेका छन्। उनले आफूले माग भएको भन्दै सम्पत्ति विवरणबारे प्रतिक्रिया दिएका हुन्।
साम्पाङका अनुसार खोटाङ केपिलासगढी–२ चोखाने गाउँमा आमाको नाममा पैतृक सम्पत्ति रहेको छ, जसमा पाखोबारी, खरबारी, बाँसघारी र उतिसघारीसहित केही खेतबारी समावेश छन्। उनले उक्त सम्पत्ति बाउबाजेले कमाएको पैतृक सम्पत्ति भएको र अहिले आमाको नाममा रहेको बताएका छन्।
उनले लेखेका छन्, “मेरो नाममा केही छैन। ४–५ तोला सुन वैदेशिक रोजगारीबाट जोडिएको होला। बैंक ब्यालेन्स २–४ लाख होला। म सार्वजनिक गर्नेछु।”
साम्पाङले आफ्नो नाममा ठूला चल–अचल सम्पत्ति नरहेको दाबी गर्दै केही दिनभित्र औपचारिक विवरण सार्वजनिक गर्ने समेत बताएका छन्।
