काठमाडौँ । राष्ट्रिय स्वतन्त्र पार्टी (रास्वपा) को संसदीय दलको बैठक आज बस्दैछ । बैठक सिंहदरबारस्थित संसदीय दलको कार्यालयमा दिउँसो १२ः१५ बजे सुरु हुने बताइएको छ ।
प्रधानमन्त्री तथा संसदीय दलका नेता बालेन शाहको सभापतित्वमा बस्ने उक्त बैठकमा संसदीय समितिहरूका सभापति चयनसम्बन्धी विषयलाई मुख्य छलफलको एजेन्डा बनाइएको छ ।
बैठकमा समिति सभापति निर्वाचनको प्रक्रिया, दलभित्रको भूमिका बाँडफाँड तथा आगामी संसदीय गतिविधि प्रभावकारी बनाउने विषयमा विस्तृत छलफल हुने जनाइएको छ ।
रास्वपाका महामन्त्री कविन्द्र बुर्लाकोटीका अनुसार बैठकमा समसामयिक राजनीतिक विषयहरू तथा संसदमा दलको भूमिकालाई थप सशक्त बनाउने विषयमा पनि विचार–विमर्श हुनेछ ।
यस बैठकलाई दलको आगामी रणनीति तय गर्ने दृष्टिले महत्वपूर्ण मानिएको छ ।
