तेल मूल्य वृद्धि नियन्त्रण गर्न दक्षिण कोरियाको ठूलो राहत प्याकेज घोषणा

एजेन्सी । बढ्दो अन्तर्राष्ट्रिय तेल मूल्यको असर कम गर्न दक्षिण कोरिया सरकारले विशाल नगद सहायता योजना सार्वजनिक गरेको छ । Yonhap News Agency का अनुसार, सरकारले न्यून आय भएका तल्लो ७० प्रतिशत नागरिकलाई लक्षित गर्दै ६१० खर्ब कोरियन वन बराबरको राहत वितरण गर्ने निर्णय गरेको हो ।

अर्थमन्त्री कु युन–चियोल ले पश्चिम एसियामा देखिएको तनावका कारण ऊर्जा आपूर्तिमा समस्या आउन सक्ने भन्दै त्यसको असर न्यूनीकरण गर्न सरकार तयारी अवस्थामा रहेको बताएका छन् । उनले युरिया तथा सम्बन्धित रसायनिक घोलहरूको सार्वजनिक मौज्दात बजारमा उपलब्ध गराइने जानकारी दिएका छन् ।

आपतकालीन आर्थिक बैठकमा बोल्दै उनले अमेरिका र इरान बीचको द्वन्द्वले विश्व अर्थतन्त्रमा गम्भीर प्रभाव पार्न सक्ने चेतावनी दिए ।

सरकारले अवस्था सामान्य नभएसम्म आपतकालीन प्रतिकार्य प्रणालीलाई निरन्तरता दिने र आपूर्ति श्रृंखलामा देखिने अवरोध समाधान गर्ने योजना अघि सारेको छ । यसैबीच, सांसदहरूले संकट व्यवस्थापनका लागि २६.२ ट्रिलियन कोरियन वन बराबरको पूरक बजेट समेत स्वीकृत गरेका छन्, जसले सत्तापक्ष र प्रतिपक्षबीचको दुर्लभ सहमति झल्काएको छ ।