काठमाडौं । Rastriya Swatantra Partyले आफ्ना सांसद र पार्टी नेतृत्वलाई लक्षित गर्दै संसदीय अभ्यास तथा नेतृत्व विकाससम्बन्धी तालिम आजदेखि सुरु गरेको छ ।
जनप्रतिनिधिहरुको क्षमता अभिवृद्धि गर्ने उद्देश्यले सञ्चालन गरिएको उक्त तालिममा संसद्मा प्रभावकारी रूपमा प्रस्तुत हुने तरिका, कानुन निर्माण प्रक्रिया, सार्वजनिक अभिव्यक्ति कला तथा नेतृत्व विकासका विषयमा प्रशिक्षण दिइने जनाइएको छ ।
कार्यक्रममा संघीय तथा प्रदेश तहका जनप्रतिनिधि, पार्टीका पदाधिकारी तथा जिम्मेवार नेताहरुको सहभागिता रहेको छ । पार्टीले यस तालिमले जनप्रतिनिधिहरुलाई थप जिम्मेवार, सक्षम र प्रभावकारी बनाउन सहयोग पुग्ने विश्वास व्यक्त गरेको छ ।
