काठमाडौं– International Cricket Council क्रिकेट विश्वकप लिग–२ अन्तर्गत नेपाल र स्कटल्याण्डबीचको खेल जारी रहेको छ । कीर्तिपुरस्थित Tribhuvan University International Cricket Ground मा भइरहेको खेलमा स्कटल्याण्डले नेपालसामु १९५ रनको सामान्य लक्ष्य प्रस्तुत गरेको छ ।
नेपालको अनुशासित र कसिलो बलिङसामु स्कटल्याण्ड टिक्न नसक्दा टोली ३९.१ ओभरमै अलआउट हुँदै १९४ रनमा समेटिएको हो । नेपालका लागि Lalit Rajbanshi ले उत्कृष्ट बलिङ गर्दै चार विकेट लिए भने Sandeep Lamichhane ले तीन विकेट हात पारे ।
टस जितेर पहिले ब्याटिङ गरेको स्कटल्याण्डले सुरुआत राम्रो बनाउन नसक्दा लगातार विकेट गुमाएको थियो । नेपाली बलरहरूले सुरुदेखि नै दबाब बनाएका कारण स्कटिश ब्याटरहरू खुलेर खेल्न सकेनन् ।
आजको खेलमा नेपालको प्लेइङ–११ मा कुनै परिवर्तन गरिएको छैन । टोलीमा कुशल भुर्तेल, आशीफ शेख, रोहित पौडेल, दीपेन्द्रसिंह ऐरी, इशान पाण्डे, गुल्शन झा, सोमपाल कामी, नन्दन यादव, सन्दीप लामिछाने र ललित राजवंशी रहेका छन् ।
नेपाल, अमेरिका र स्कटल्याण्ड सहभागी त्रिकोणात्मक शृङ्खलामा हालसम्म तीन खेल सम्पन्न भइसकेका छन् । स्कटल्याण्डले आफ्ना दुवै खेल जित्दै उत्कृष्ट प्रदर्शन गरिरहेको छ । यसअघि उसले नेपाल र अमेरिकालाई समान दुई–दुई रनले डकवर्थ–लुइस नियमका आधारमा पराजित गरेको थियो ।
यता नेपालले भने शनिबार भएको खेलमा अमेरिकालाई नौ विकेटले हराउँदै आत्मविश्वास बढाएको थियो । आजको खेलमा पनि स्कटल्याण्डलाई पराजित गर्दै नेपाल विश्वकप ग्लोबल क्वालिफायर पुग्ने सम्भावनालाई कायम राख्न चाहन्छ ।
हाल लिग–२ को अङ्क तालिकामा नेपाल २६ खेलबाट २० अङ्कसहित सातौँ स्थानमा रहेको छ । नेपालले नौ खेल जितेको, १५ खेल गुमाएको तथा दुई खेल अनिर्णित भएको छ । यस्तै स्कटल्याण्ड ३० खेलबाट ३८ अङ्क जोड्दै शीर्ष स्थानमा कायम छ ।
