काठमाडौं । प्रतिनिधिसभाका सांसद अचुतम लामिछानेले खेतीपातीको मुख्य समयमा किसानहरूले मल, बीउ–बिजन तथा कृषि औजारको अभाव झेल्नुपरेको बताएका छन् ।
प्रतिनिधिसभाको शून्य समयमा बोल्दै उनले आवश्यक कृषि सामग्री समयमै उपलब्ध नहुँदा उत्पादनमा गिरावट आउने खतरा बढेको बताए । उनले कृषि क्षेत्रप्रति राज्य गम्भीर नबन्दा किसानहरू निराश बन्दै गएको उल्लेख गरे ।
उनले भने, “खेती गर्ने महत्वपूर्ण समयमा किसानले मल, बीउ–बिजन र आवश्यक कृषि औजारसमेत सहज रूपमा पाउन सकेका छैनन् । समयमै मल नपाउँदा उत्पादन घट्ने जोखिम बढेको छ । यसले कृषि पेशा नै संकटतर्फ धकेलिरहेको छ ।”
सांसद लामिछानेले किसानले आफ्नै खेतमा उत्पादन गरेका कृषि उपज बजारसम्म पु¥याउनसमेत अनेक कठिनाइ भोग्नुपरेको बताए । उनले किसानको श्रम, योगदान र उत्पादनको उचित सम्मान गर्दै कृषि क्षेत्रको समस्या समाधान गर्न सरकारसँग माग गरेका छन् ।
