टोखा बक्सिङ क्लब द्वारा आयोजित U-15 तथा U-17 स्तरको बक्सिङ प्रतियोगिताको पहिलो चरण सफलतापूर्वक सम्पन्न भएको छ। प्रतियोगिता टोखा नगरपालिका वडा नं. ७ धापासी हाइटस्थित तिलिंगटार माध्यमिक विद्यालय को प्रांगणमा उत्साहपूर्ण वातावरणबीच सम्पन्न भएको हो।
प्रतियोगितामा विभिन्न स्थानबाट आएका युवा खेलाडीहरूको उल्लेखनीय सहभागिता रहेको थियो। कार्यक्रमका प्राविधिक समितिका अनुसार पहिलो दिन कुल १५ वटा बाउट सम्पन्न भएका छन् भने भोलि १४ वटा फाइनल खेल सञ्चालन हुने जानकारी दिइएको छ। प्रतियोगिताले युवा खेलाडीहरूलाई आफ्नो प्रतिभा प्रदर्शन गर्ने अवसर प्रदान गर्नुका साथै बक्सिङ खेलप्रति आकर्षण बढाउन महत्वपूर्ण भूमिका खेलेको आयोजकले जनाएको छ।
कार्यक्रमको अध्यक्षता टेक बहादुर थापाले गर्नुभएको थियो भने उद्घोषकको भूमिकामा विकास सिलवाल रहनुभएको थियो। कार्यक्रममा उपस्थिति को रुपमा वडा ८ को अध्यक्ष रमेश खत्री को विशेष उपस्थिति रहेको थियो। साथै नेपाल बक्सिङ महासंघ, पूर्व बक्सिङ खेलाडी, प्रशिक्षक तथा टोखा नगरपालिका वडा नं. ८ का सदस्य अनुप राईल गायत रेफ्री, प्रशिक्षक, खेलप्रेमी तथा विभिन्न स्थानबाट आएका दर्शक महानुभावहरूको बाक्लो उपस्थिति रहेको थियो।
प्रतियोगिता सञ्चालनका लागि आवश्यक आर्थिक सहयोग टोखा नगरपालिका वडा नं. ८ को बजेटमार्फत उपलब्ध गराइएको आयोजकले जनाएको छ। स्थानीय तहको सहयोगमा आयोजना गरिएको यस प्रतियोगिताले खेल क्षेत्रको विकास, युवा प्रतिभाको प्रोत्साहन तथा समाजमा खेल संस्कृतिको विस्तारमा सकारात्मक योगदान पुर्याउने विश्वास लिइएको छ।
आयोजकका अनुसार प्रतियोगिताको फाइनल खेल भोलि सम्पन्न हुने छ र उत्कृष्ट खेलाडीहरूलाई पुरस्कार तथा सम्मान प्रदान गरिने कार्यक्रम रहेको छ।
