चितवन । वर्षायाम सुरु भएसँगै नारायणगढ–मुग्लिन सडकखण्डमा सम्भावित पहिरोका कारण सडक अवरुद्ध हुन नदिन आवश्यक उपकरण र जनशक्ति तयारी अवस्थामा राखिएको छ।
सडक डिभिजन कार्यालय, भरतपुरले आफ्नो कार्यक्षेत्रअन्तर्गत पर्ने नारायणगढ–मुग्लिन सडकखण्ड तथा कालीगण्डकी करिडोरमा पहिरोको जोखिमलाई ध्यानमा राख्दै आवश्यक मेसिन तथा प्राविधिक जनशक्ति परिचालनको व्यवस्था गरेको जनाएको छ।
कार्यालयका प्रमुख सिनियर डिभिजनल इन्जिनियर नारायण लामिछानेका अनुसार जोखिमयुक्त स्थानमा पहिरो खसेर सडक अवरुद्ध भए तत्काल हटाउन उपकरण तयारी अवस्थामा राखिएको हो।
उनका अनुसार:
सडक अवरुद्ध भएमा तत्काल पहिरो हटाई सवारी आवागमनलाई नियमित र सहज बनाउन उपकरण अपरेटरसहितको टोली चौबीसै घण्टा तयारी अवस्थामा रहेको उनले बताए।
वर्षायाममा लेदोसहितको पहिरो र हिउँदमा सुक्खा पहिरोका कारण पटक–पटक अवरुद्ध हुने नारायणगढ–मुग्लिन सडक काठमाडौं प्रवेश गर्ने प्रमुख राजमार्गमध्ये एक हो। यस सडकबाट दैनिक १० हजारभन्दा बढी सवारीसाधन आवतजावत गर्ने गर्छन्।
