मदन भण्डारी हिरक जयन्तीको अवसरमा टोखामा रक्तदान कार्यक्रम सम्पन्न
नेपाल कम्युनिष्ट पार्टी (एमाले) टोखा नगर कमिटीको आयोजनामा मदन भण्डारीको हिरक जयन्तीको अवसर पारेर आयोजित वृहत् रक्तदान कार्यक्रम टोखा नगरपालिका–७ मा सफलतापूर्वक सम्पन्न भएको छ।
“रक्तदान गरौँ, जीवनदान दिऔँ” भन्ने मानवीय सन्देशलाई आत्मसात् गर्दै आयोजित कार्यक्रममा पार्टीका नेता, कार्यकर्ता, स्थानीय जनप्रतिनिधि, समाजसेवी तथा सर्वसाधारणको उत्साहजनक सहभागिता रहेको थियो।
कार्यक्रममा नेपाल कम्युनिष्ट पार्टी (एमाले) टोखा नगर कमिटीका अध्यक्ष गोपी पाठक, टोखा नगरपालिका–७ का वडा अध्यक्ष, टोखा नगरपालिका–८ का वडा अध्यक्ष रमेश खत्री, वडा ८ सदस्य अनुप राई, विजय बानियाँ लगायत पार्टीका नेता–कार्यकर्ता, जनप्रतिनिधि, सामाजिक व्यक्तित्व तथा स्थानीयवासीहरूको उल्लेखनीय उपस्थिति रहेको थियो।
उपस्थित वक्ताहरूले रक्तदानलाई सबैभन्दा ठूलो मानवीय सेवामध्ये एक भएको उल्लेख गर्दै स्वस्थ व्यक्तिले नियमित रूपम...
