Breaking News 1

जनकपुरधाम । सिरहामा प्रहरीको घेराबन्दी तोडेर भागेको एम्बुलेन्सबाट १०५ किलो गाँजा बरामद भएको छ। प्रहरीले एम्बुलेन्स नियन्त्रणमा लिए पनि चालक भने फरार भएका छन्। जिल्ला प्रहरी कार्यालय सिरहाका अनुसार मंगलबार राति करिब ८ बजे चोहर्वाबाट जयनगरतर्फ जाँदै गरेको ज १ च १२१३ नम्बरको एम्बुलेन्समा गाँजा ओसारपसार भइरहेको सूचना प्राप्त भएपछि प्रहरी परिचालन गरिएको थियो। प्रहरी निरीक्षक सुनिल चौरसियाको कमान्डमा खटिएको टोलीले एम्बुलेन्सलाई पछ्याउने क्रममा चालकले प्रहरीको निगरानी थाहा पाएपछि चोहर्वादेखि सिरहासम्म तीन स्थानमा राखिएका प्रहरी बेरिकेट तोडेर भागेको प्रहरीले जनाएको छ। थप प्रहरी टोली परिचालन गरी खोजी जारी राखिएपछि चालकले सिरहा नगरपालिका–१ स्थित हुलाकी सडकखण्डमा एम्बुलेन्स छाडेर फरार भएको प्रहरीले जनाएको छ। एम्बुलेन्स नियन्त्रणमा लिएर जाँच गर्दा पाँचवटा बोरा फेला परेका थिए। बोराभित्रको पदार्थ तौ...

हिजो हरितालिका तीज पर्व मनाएपछि आज ऋषिपञ्चमीका अवसरमा टोखा नगरपालिका–११ स्थित ऐतिहासिक तथा प्रसिद्ध मनोरथ तीर्थधाममा नारीहरू व्रत तथा उपवास बसेर सप्तऋषिको श्रद्धापूर्वक पूजा–आराधना गर्दै पर्व मनाइरहेका छन्। ऋषिपञ्चमीका दिन बिहानैदेखि मनोरथ तीर्थधाममा भक्तजनहरूको चहलपहल बढेको छ। धार्मिक आस्था बोकेर पुगेका महिलाहरूले तीर्थस्थलमा स्नान तथा शुद्धीकरण गरी सप्तऋषिको पूजा, आराधना र दर्शन गर्दै परिवारको सुख, शान्ति, समृद्धि तथा मनोकामना पूरा होस् भन्ने कामना गरिरहेका छन्। धार्मिक परम्पराअनुसार ऋषिपञ्चमीमा कश्यप, अत्रि, भारद्वाज, विश्वामित्र, गौतम, जमदग्नि र वशिष्ठ गरी सप्तऋषिको पूजा गर्ने चलन छ। यस दिन जान–अन्जानमा भएका त्रुटि तथा पापबाट मुक्ति प्राप्त हुने धार्मिक विश्वाससमेत रहिआएको छ। समाज, धर्म, संस्कृति र ज्ञानको क्षेत्रमा महत्वपूर्ण योगदान दिएका प्राचीन ऋषिमुनिहरूको स्मरण तथा सम्मान गर...

पालञ्चोक भगवतीको मूर्तिमा ‘पसिना’ आएको खबर सार्वजनिक भएपछि त्यसलाई सम्भावित विपत्तिको संकेतका रूपमा लिएर विभिन्न चर्चा भएका थिए। अहिले देशका विभिन्न स्थानमा बाढी–पहिरोबाट भएको क्षतिले ती चर्चालाई पुनः स्मरण गराएको छ। म कुनै भविष्यवक्ता होइन। गुरुले दिनुभएको ज्ञान र शिक्षाका आधारमा त्यतिबेला उक्त विषय सार्वजनिक गरेको मात्र हुँ। अहिलेको मुख्य प्राथमिकता भनेको विपद्मा परेकाहरूको उद्धार, राहत र सहयोग हो। ईश्वरले सबैको रक्षा गरून्। दिवंगत आत्माप्रति हार्दिक श्रद्धाञ्जली तथा शोकसन्तप्त परिवारजनमा गहिरो समवेदना। 🙏 जय पालञ्चोक भगवती। 🙏 सबैको कल्याण र रक्षा होस्।...

रसुवामा आएको बाढीपछि माथिल्लो त्रिशूली–३ए जलविद्युत् आयोजनाको सुरुङमा १० दिनसम्म फसेका सञ्जय साहले ज्यान जोगाउन आफ्नै कपडाले छानेर ‘मोबिल मिसिएको पानी’ पिएको बताएका छन्। 😥 उद्धारपछि छाउनीस्थित वीरेन्द्र सैनिक अस्पतालमा उपचार गराएका साह शुक्रबार डिस्चार्ज भएका छन्। उनले सुरुङभित्र खानेकुरा नभए पनि हावा पर्याप्त रहेको, तर पानी पिउनका लागि भने निकै कठिन अवस्था झेल्नुपरेको बताएका छन्। साहले बाँच्नका लागि उपलब्ध पानीलाई आफ्नै कपडाले छानेर पिउनुपरेको र उक्त पानीमा मोबिल मिसिएको जस्तो रहेको बताएका छन्। उनले सुरुङभित्र बिताएका १० दिन निकै कष्टपूर्ण र चुनौतीपूर्ण रहेको अनुभव सुनाएका छन्। सप्तरीका साह माथिल्लो त्रिशूली–३ए जलविद्युत् आयोजनामा मेकानिकल फोरम्यानका रूपमा कार्यरत थिए। उनले उद्धारपछि बिबिसी न्युज नेपालीसँग कुराकानी गर्दै सुरुङभित्रको आफ्नो संघर्ष र बाँच्न गरेको प्रयासबारे जानकारी दिएका...

आज भाद्रकृष्ण औँसी अर्थात् कुशेऔँसी तथा बुवाको मुख हेर्ने दिन। वैदिक सनातन धर्मावलम्बीहरूले आज घर–घरमा पवित्र कुश भित्र्याएर देवकार्य तथा पितृकार्यमा प्रयोग गर्ने परम्परा छ। धार्मिक मान्यताअनुसार आज विधिपूर्वक उखेलिएको कुश वर्षभरि पूजा, धार्मिक अनुष्ठान तथा पितृकार्यमा प्रयोग गर्न सकिन्छ। कुशलाई पवित्र वनस्पतिका रूपमा सनातन धर्ममा विशेष महत्त्व दिइन्छ। कुशेऔँसीलाई बुवाप्रति सम्मान र श्रद्धा व्यक्त गर्ने दिनका रूपमा पनि मनाइन्छ। यस दिन छोराछोरीले जीवित बुवालाई मनपर्ने मिठाइ तथा भोजन खुवाएर सम्मान गर्दै आशीर्वाद लिने गर्छन्। बुवा दिवङ्गत भइसकेकाहरूले भने उहाँको सम्झनामा तर्पण, पिण्डदान, श्राद्ध तथा सिदादान गर्ने परम्परा रहेको छ। कुशेऔँसीका अवसरमा काठमाडौंको गोकर्णेश्वर महादेव मन्दिरलगायत विभिन्न तीर्थस्थलमा श्रद्धालुको भीड लाग्ने गर्छ। विशेषगरी गोकर्णमा दिवङ्गत पितृको नाममा तर्पण तथा पिण्...

नुवाकोट । भदौ १० गते भोटेकोशी नदीमा आएको भीषण बाढीले नुवाकोटको विदुर र बेलकोटगढी नगरपालिका जोड्ने देवीघाटस्थित तादी खोलाको पुल बगाएपछि नुवाकोट–धादिङ तथा रसुवागढीसम्मको महत्वपूर्ण सडक सम्पर्क प्रभावित भएको थियो। पुल बगेपछि स्थानीयवासी तथा यात्रुलाई आवतजावतमा ठूलो समस्या भएपछि सरकारले देवीघाटमा तत्काल वैकल्पिक पुल निर्माणलाई प्राथमिकतामा राख्यो। नेपाली सेनाले दिनरात खटिएर पाँच दिनमै ५७.९ मिटर लामो एक्रोब्रिज निर्माण गरी सञ्चालनमा ल्याएको हो। बिहीबार बेलुकादेखि पुलबाट सबै प्रकारका सवारीसाधन सञ्चालनमा आएका छन्। पुल सञ्चालनमा आएपछि बाढी प्रभावित क्षेत्रका नागरिकलाई आवतजावतमा सहज भएको छ। बेलकोटगढी–८ का स्थानीय सौगात पुडासैनीले पुल नहुँदा घुमाउरो बाटो प्रयोग गर्नुपर्ने र घर पुग्न दुई–तीन घण्टा लाग्ने गरेकोमा अहिले करिब २५ मिनेटमै पुग्न सकिने अवस्था बनेको बताए। त्यस्तै, स्थानीय मनोज तामाङले पन...

इन्धन आपूर्ति सहज बनाउन नसकेको तथा उद्योगीलाई ‘पाता कस्ने’ अभिव्यक्ति दिएपछि विवादमा परेकी उद्योगमन्त्री गौरीकुमारी यादवले राजीनामा दिएपछि रुँदै मन्त्रालयबाट बाहिरिएकी छन्। राजीनामा दिएलगत्तै मन्त्रालयबाट बाहिरिएकी यादव आँखाभरि आँसु लिएर निस्किएकी थिइन्। मन्त्रालय परिसरमा रहेका सञ्चारकर्मीले प्रश्न गरे पनि उनले कुनै प्रतिक्रिया नदिई त्यहाँबाट बाहिरिएकी छन्। तत्कालीन श्रममन्त्री दीपक साह विवादमा परेपछि राजीनामा दिएसँगै रिक्त रहेको स्थानमा मन्त्रालय साटफेर गरी यादवलाई उद्योग मन्त्रालयको जिम्मेवारी दिइएको थियो। तर, इन्धन आपूर्ति व्यवस्थापन तथा उद्योगीसम्बन्धी अभिव्यक्तिलाई लिएर उनी पनि पछिल्लो समय विवादमा परिन्। अन्ततः राजीनामा दिएर उनी मन्त्रालयबाट बाहिरिएकी छन्।...

काठमाडौं । राष्ट्रिय स्वतन्त्र पार्टी (रास्वपा) का सांसद खगेन्द्र कर्णले सप्तरीको राजविराजस्थित गजेन्द्रनारायण सिंह अस्पतालमा आर्थिक अभावका कारण एक सुत्केरी महिलाले अस्पतालको गेटबाहिर बच्चा जन्माउनुपरेको घटनाप्रति सरकारको ध्यानाकर्षण गराएका छन्। प्रतिनिधिसभाको बैठकमा बोल्दै सांसद कर्णले राजविराज–१४, प्रसाईं टोलका हरेराम पासवानकी श्रीमती बबिता पासवान प्रसव पीडामा अस्पताल पुगेको र अस्पताल प्रशासनले ३ हजार २ सय रुपैयाँको बिल तिर्न भनेको दाबी गरे। परिवारसँग २ हजार ५ सय रुपैयाँ मात्र रहेकाले ७ सय रुपैयाँ अपुग भएपछि उपचारमा आनाकानी गरिएको र अन्ततः उनले अस्पतालबाहिरै शिशुलाई जन्म दिनुपरेको उनले बताए। सांसद कर्णले घटनाले गरिब, विपन्न तथा दलित समुदायका महिलाको स्वास्थ्य सेवामा पहुँचको अवस्थामाथि गम्भीर प्रश्न उठाएको भन्दै स्वास्थ्य मन्त्रीसँग जवाफ माग गरेका छन्।...

काठमाडौँ । कृष्णभीरमा खसेको पहिरोका कारण पृथ्वी राजमार्ग १० दिनदेखि अवरुद्ध भएपछि हेटौँडा–काठमाडौँ सडकमा सवारीसाधनको चाप अत्यधिक बढेको छ। मुख्य सडकबाट आवागमन प्रभावित भएपछि काठमाडौँ आउने–जाने सवारीसाधन वैकल्पिक मार्गतर्फ मोडिँदा पछिल्लो एक सातादेखि हेटौँडा–काठमाडौँ सडकमा चाप बढेको हो। सवारी चाप व्यवस्थापन गर्न जिल्ला प्रशासन कार्यालय मकवानपुरले भदौ १६ गतेदेखि साना तथा ठूला सवारीसाधनका लागि काठमाडौँ–हेटौँडा आवतजावतमा छुट्टाछुट्टै रुट निर्धारण गरेको छ। १० चक्कासम्मका मालवाहक सवारीसाधन काठमाडौँतर्फ आउँदा त्रिभुवन राजपथ र फर्कँदा कान्ति राजमार्ग प्रयोग गरिरहेका छन्। हेटौँडाबाट काठमाडौँतर्फ जाने १४ सिटभन्दा कम क्षमताका सवारीसाधनलाई भीमफेदी–कुलेखानी–सिस्नेरी–दक्षिणकाली हुँदै जाने रुट तोकिएको छ। त्यस्तै, काठमाडौँबाट हेटौँडातर्फ जाने सवारी फर्पिङ–फाखेल–कुलेखानी–भीमफेदी मार्गबाट सञ्चालन भइरहेक...

कर्णाली राजमार्ग पुनः अवरुद्ध भएको छ। दैलेखको दुल्लु नगरपालिका–१ स्थित भम्लु खोलामा गएराति माथिबाट सुक्खा पहिरो खसेपछि सुर्खेत–जुम्ला सडकखण्डमा यातायात सेवा प्रभावित भएको हो। यसअघि कालीकोटको पिली, शुभकालिका गाउँपालिकास्थित गगने खोला र एस मोडमा खसेको पहिरो पन्छाएर मंगलबार दिउँसोदेखि राजमार्ग सञ्चालनमा ल्याइएको थियो। तर, दैलेखको भम्लु खोलामा पुनः पहिरो खसेपछि सडक अवरुद्ध भएको जिल्ला प्रहरी कार्यालय दैलेखले जनाएको छ। पहिरोका कारण सडकमा रोकिएका सवारीसाधन तथा यात्रुलाई आवागमनमा समस्या भएको छ। सडक डिभिजन कार्यालय सुर्खेतसँग समन्वय गरी पहिरो हटाउने काम सुरु गरिएको प्रहरीले जनाएको छ। सडक अवरुद्ध हुँदा हुम्ला, मुगु, जुम्ला र कालीकोटबाट सुर्खेत, नेपालगन्ज तथा काठमाडौं जाने यात्रुहरू प्रभावित भएका छन्।...