Breaking News 1

प्रधानमन्त्री शाहको आग्रह : सांसदहरूले आफ्नो विज्ञता देश विकासमा लगाउनुपर्छ काठमाडौं । प्रधानमन्त्री Balendra Shahले प्राविधिक तथा व्यावसायिक पृष्ठभूमि भएका सांसदहरूलाई आफ्नो ज्ञान, सीप र अनुभव देश निर्माणमा उपयोग गर्न आग्रह गरेका छन्। सिंहदरबारमा बुधबार आयोजित छलफलका क्रममा प्रधानमन्त्री शाहले सांसदहरूले दलीय राजनीतिक भूमिकासँगै आफूले हासिल गरेको प्राविधिक दक्षता र व्यावसायिक पहिचानलाई समेत प्राथमिकतामा राख्नुपर्ने धारणा राखेका हुन्। उनले देशको दीर्घकालीन नीति, विकास योजना तथा सार्वजनिक सेवाको सुधारमा प्राविधिक ज्ञान र व्यावसायिक अनुभवको प्रभावकारी प्रयोग आवश्यक रहेको बताएका छन्। प्रधानमन्त्री शाहले सांसदहरूलाई आफ्नो क्षेत्रगत विज्ञता र अनुभवलाई राष्ट्रको विकास तथा समृद्धिका लागि उपयोग गर्नुपर्नेमा जोड दिएका छन्। यसअघि पनि प्रधानमन्त्री शाहले प्राविधिक तथा युवा सांसदह...

धनगढी । लगातारको वर्षाका कारण बाढी, पहिरोलगायतका जोखिम बढेपछि सुदूरपश्चिमका कैलाली र कञ्चनपुरबाहेक ७ पहाडी जिल्लामा सवारीसाधन सञ्चालनमा रोक लगाइएको छ। सम्बन्धित जिल्ला प्रशासन कार्यालयले सूचना जारी गर्दै शनिबार बिहान ७ बजेदेखि आइतबार बिहान ७ बजेसम्म छोटो तथा लामो दूरीका कुनै पनि सवारीसाधन सञ्चालन नगर्न निर्देशन दिएका छन्। प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक नवराज कार्कीका अनुसार वर्षाका कारण हुनसक्ने सम्भावित जोखिमलाई मध्यनजर गर्दै उक्त निर्णय गरिएको हो। ट्राफिक प्रहरीले सूचना थाहा नपाई पहाडी क्षेत्रमा जाँदै गरेका केही सवारीसाधनलाई कैलालीको खानीडाँडामा रोकेर फर्काएको जनाएको छ। लगातारको वर्षाका कारण बाढी तथा पहिरोको जोखिम रहेकाले प्रशासनले सर्वसाधारणलाई सतर्क रहन आग्रह गरेको छ। तराईका कैलाली र कञ्चनपुरमा भने हाल सवारीसाधन सञ्चालनमा रोक लगाइएको छैन।...

पश्चिम नवलपरासीको सुस्ता गाउँपालिका–५ स्थित सुस्ता क्षेत्रमा डुबानमा परेका २५ जनालाई सशस्त्र प्रहरीले उद्धार गरी सुरक्षित स्थानमा पुर्‍याएको छ। लगातारको वर्षाका कारण पानीको सतह बढेर बस्ती डुबानमा परेपछि जोखिममा रहेका स्थानीयवासीलाई सशस्त्र प्रहरीको टोलीले सुरक्षित स्थानतर्फ सारेको हो। पानीको बहाव बढ्दै गएपछि जोखिममा परेका नागरिकको प्राथमिकताका आधारमा उद्धार गरिएको प्रहरीले जनाएको छ। उद्धार टोलीले डुबान प्रभावित क्षेत्रमा पुगेर स्थानीयवासीको अवस्थाबारे जानकारी लिँदै जोखिममा रहेका व्यक्तिहरूलाई सुरक्षित स्थानमा स्थानान्तरण गरेको थियो। उद्धार गरिएका सबै २५ जना सुरक्षित रहेको जनाइएको छ। नदी तथा सीमावर्ती क्षेत्रमा पर्ने सुस्ता वर्षायाममा बाढी र डुबानको जोखिममा रहने भएकाले सशस्त्र प्रहरीले सम्भावित जोखिमलाई ध्यानमा राख्दै सुरक्षा निगरानी तथा उद्धार तयारीलाई निरन्तरता दिएको जनाएको छ।...

एसियन गेम्सअन्तर्गत पुरुष क्रिकेटमा नेपाल क्वार्टरफाइनलमा प्रवेश गरेको छ। नेपाल र जापानबीचको खेल वर्षाका कारण रद्द भएपछि नेपाल समूह विजेता बन्दै अन्तिम आठमा पुगेको हो। टस हारेर पहिले ब्याटिङ गरेको नेपालले वर्षाका कारण १५ ओभरमा घटाइएको खेलमा ४ विकेटको क्षतिमा १५० रनको लक्ष्य प्रस्तुत गरेको थियो। तर लगातार वर्षा भएपछि जापानले जवाफी ब्याटिङ गर्न पाएन र खेल रद्द गरियो। यससँगै नेपालले २ खेलबाट ३ अंक जोड्दै समूह विजेताका रूपमा क्वार्टरफाइनलमा स्थान सुरक्षित गरेको छ। नेपालले यसअघि शुक्रबार भएको खेलमा अफगानिस्तानलाई ५ विकेटले पराजित गरेको थियो।...

काठमाडौं । प्रदेश सरकारलाई हस्तान्तरण गर्ने तयारी गरिएको स्मार्ट ड्राइभिङ लाइसेन्स छपाइको जिम्मेवारी तत्कालका लागि संघीय सरकारमै फर्किएको छ। आवश्यक कानुन र बजेटको अभाव देखाउँदै पाँच प्रदेशले लाइसेन्स छपाइको जिम्मेवारी लिन अस्वीकार गरेपछि यातायात व्यवस्था विभागले केन्द्रबाटै छपाइ सुरु गरेको हो। पूर्वाधार विकास मन्त्रालयले चालू आर्थिक वर्षको साउन १ गतेदेखि लाइसेन्स छपाइ तथा वितरणको अधिकार प्रदेश सरकारलाई दिने निर्णय गरेको थियो। तर, मधेश र लुम्बिनी प्रदेशले मात्र सुरक्षण मुद्रण केन्द्रसँग सम्झौता गरी लाइसेन्स छपाइको प्रक्रिया अघि बढाएका छन्। कोशी, बागमती, गण्डकी, कर्णाली र सुदूरपश्चिम प्रदेशले आवश्यक कानुनी व्यवस्था तथा बजेटको अभाव देखाउँदै सम्झौता नगरेपछि ती प्रदेशका लागि लाइसेन्स छपाइ संघीय सरकारले नै गर्ने निर्णय भएको हो। प्रदेशबाट छपाइ प्रक्रिया अघि नबढ्दा करिब दुई महिनादेखि सेवाग्राही...

काठमाडौं । सरकारले साउन १ गतेदेखि कार्यान्वयनमा ल्याएको विद्युतीय ड्राइभिङ लाइसेन्स तथा सवारी दर्ता प्रणाली (ईडीएलभिआरएस) मार्फत सवारी चालक अनुमतिपत्र (लाइसेन्स) छपाइ सुरु गरेको छ। सेवाग्राहीको बढ्दो चाप र लामो समयदेखि थुप्रिएको लाइसेन्स छपाइ तथा वितरणको समस्या समाधान गर्ने उद्देश्यले यातायात व्यवस्था विभागले नयाँ प्रविधिमा आधारित प्रणाली सञ्चालनमा ल्याएको हो। नयाँ प्रणाली लागू भएसँगै नयाँ लाइसेन्स लिनेदेखि पुरानो लाइसेन्स नवीकरणसम्मको प्रक्रिया थप छरितो, सहज र प्रविधिमैत्री हुने अपेक्षा गरिएको छ। ईडीएलभिआरएसमा प्रविष्ट भएका सेवाग्राहीका विवरण सिधै सुरक्षण मुद्रण केन्द्रमा पुग्नेछन्। त्यहाँ लाइसेन्स छपाइ सम्पन्न भएपछि हुलाकमार्फत सम्बन्धित यातायात व्यवस्था सेवा कार्यालयमा पठाइने व्यवस्था गरिएको छ। यसबाट विगतमा लाइसेन्स छपाइ तथा वितरणमा देखिँदै आएको ढिलाइ कम हुने विभागको विश्वास छ। नया...

काठमाडौं । संगीतकार टंक बुढाथोकीले हिजो सार्वजनिक रूपमा व्यक्त गरेका भनाइलाई लिएर गायक अशोक दर्जीले आफ्नो धारणा सार्वजनिक गरेका छन्। दर्जीले बुढाथोकीका भनाइप्रति प्रत्यक्ष जवाफ नदिई फेसबुकमार्फत शालीन प्रतिक्रिया दिएका हुन्। उनले बुढाथोकीले बोलेका विषयलाई विभिन्न सञ्चारमाध्यम तथा सामाजिक सञ्जालमा अतिरञ्जित रूपमा प्रस्तुत गरिएको भन्दै त्यसो नगर्न आग्रह गरेका छन्। अशोकले फेसबुकमा लेखेका छन्, ‘हिजो एउटा कार्यक्रममा मेरा कर्म दिने टंक दाइले बोल्नुभएको विषयलाई लिएर विभिन्न सञ्चारमाध्यम तथा सामाजिक सञ्जालमा धेरै अतिरञ्जित ढंगले प्रस्तुत भइरहेको देखेँ। सबैसँग मेरो विनम्र अनुरोध छ– कृपया यस विषयलाई लिएर टंक दाइ र मलाई गाली नगर्नुहोला।’ उनले टंक बुढाथोकी आफ्नो जन्मदाता नभए पनि कर्म दिने बुवा भएको उल्लेख गर्दै आफ्ना सन्तानलाई केही भन्न उहाँलाई अधिकार रहेको बताएका छन्। अशोकले भनेका छन्, ‘उहाँ मेर...

जनकपुरधाम । सिरहामा प्रहरीको घेराबन्दी तोडेर भागेको एम्बुलेन्सबाट १०५ किलो गाँजा बरामद भएको छ। प्रहरीले एम्बुलेन्स नियन्त्रणमा लिए पनि चालक भने फरार भएका छन्। जिल्ला प्रहरी कार्यालय सिरहाका अनुसार मंगलबार राति करिब ८ बजे चोहर्वाबाट जयनगरतर्फ जाँदै गरेको ज १ च १२१३ नम्बरको एम्बुलेन्समा गाँजा ओसारपसार भइरहेको सूचना प्राप्त भएपछि प्रहरी परिचालन गरिएको थियो। प्रहरी निरीक्षक सुनिल चौरसियाको कमान्डमा खटिएको टोलीले एम्बुलेन्सलाई पछ्याउने क्रममा चालकले प्रहरीको निगरानी थाहा पाएपछि चोहर्वादेखि सिरहासम्म तीन स्थानमा राखिएका प्रहरी बेरिकेट तोडेर भागेको प्रहरीले जनाएको छ। थप प्रहरी टोली परिचालन गरी खोजी जारी राखिएपछि चालकले सिरहा नगरपालिका–१ स्थित हुलाकी सडकखण्डमा एम्बुलेन्स छाडेर फरार भएको प्रहरीले जनाएको छ। एम्बुलेन्स नियन्त्रणमा लिएर जाँच गर्दा पाँचवटा बोरा फेला परेका थिए। बोराभित्रको पदार्थ तौ...